പത്രക്കുറിപ്പ് 11/09/2020
കേരള സര്വകലാശാല ഒന്നാം വര്ഷ ബിരുദ പ്രവേശനം 2020 ഒന്നാം ഘട്ട അലോട്ട്മെന്റ്
കേരള സര്വകലാശാലയുടെ 2020 -21 അദ്ധ്യയന വര്ഷത്തിലെ ഒന്നാം വര്ഷ ബിരുദ പ്രവേശനത്തിനുള്ള ഒന്നാം ഘട്ട അലോട്ട്മെന്റ് (http://admissions.keralauniversity.ac.in) എന്ന വെബ്സൈറ്റിൽ പ്രസിദ്ധീകരിച്ചു. അപേക്ഷകര്ക്ക് അപേക്ഷാനമ്പറും പാസ്വേഡും ഉപയോഗിച്ച് ലോഗ് ഇന് ചെയ്ത് തങ്ങളുടെ അലോട്ട്മെന്റ് പരിശോധിക്കാവുന്നതാണ്. അലോട്ട്മെന്റ് ലഭിച്ച അപേക്ഷകര് അഡ്മിഷന് വെബ്സൈറ്റില് ലോഗ് ഇന് ചെയ്ത് നിശ്ചിത സര്വകലാശാല ഫീസ് (ഫീസ് വിശാദാംശങ്ങള് വെബ്സൈറ്റില്) സെപ്റ്റംബര് 17-ന് വൈകുന്നേരം 5 മണിയ്ക്കകം ഓണ്ലൈനായി ഒടുക്കി തങ്ങളുടെ അലോട്ട്മെന്റ് ഉറപ്പാക്കേണ്ടതാണ്. ഓണ്ലൈനായി ഫീസ് ഒടുക്കിയ ശേഷം ലഭ്യമാകുന്ന വിവരങ്ങള് അടങ്ങിയ പേജിന്റെ പ്രിന്റൗട്ട് എടുത്ത് സൂക്ഷിക്കേണ്ടതാണ്.
മേല്പറഞ്ഞ രീതിയില് സര്വകലാശാല ഫീസ് ഒടുക്കാത്ത അപേക്ഷകരുടെ അലോട്ട്മെന്റ് റദ്ദാകുന്നതും അവരെ അടുത്ത അലോട്ട്മെന്റുകളില് പരിഗണിക്കുന്നതുമല്ല. അലോട്ട്മെന്റ് ലഭിച്ച അപേക്ഷകര് തങ്ങള്ക്ക് ലഭിച്ച സീറ്റില് തൃപ്തരല്ലെങ്കില് പോലും തുടര്ന്നുള്ള അലോട്ട്മെന്റുകളില് പരിഗണിക്കുന്നതിനായി സര്വകലാശാല ഫീസ് മേല്പറഞ്ഞ രീതിയില് അടയ്ക്കേണ്ടതാണ്. ഒന്ന്, രണ്ട് ഘട്ടം അലോട്ട്മെന്റുകളില് അലോട്ട്മെന്റ് ലഭിച്ചവര് രണ്ടാം ഘട്ട അലോട്ട്മെന്റ് പ്രസിദ്ധീകരിച്ചതിന് ശേഷം മാത്രം കോളേജുകളില് ഹാജരായാല് മതി. തങ്ങള്ക്ക് ലഭിച്ച അലോട്ട്മെന്റില് തൃപ്തരാണെങ്കില് സര്വകലാശാല ഫീസ് ഒടുക്കി അലോട്ട്മെന്റ് ഉറപ്പാക്കിയശേഷം ആവശ്യമെങ്കില് അവരുടെ ഹയര് ഓപ്ഷനുകള് സെപ്റ്റംബര് 17 വൈകിട്ട് 5 മണി വരെ നീക്കം ചെയ്യാവുന്നതാണ്. ഹയര് ഓപ്ഷനുകള് നിലനിര്ത്തുന്ന അപേക്ഷകരെ അടുത്ത അലോട്ട്മെന്റില് ആ ഓപ്ഷനുകളിലേയ്ക്ക് പരിഗണിക്കുന്നതും ഇങ്ങനെയുള്ളവര് പുതിയ അലോട്ട്മെന്റില് ലഭിക്കുന്ന സീറ്റ് നിര്ബന്ധമായും സ്വീകരിക്കേതുമാണ്.
No comments:
Post a Comment