ഒന്നാം വര്ഷ ബിരുദ പ്രവേശനത്തിനുള്ള രണ്ടാം ഘട്ട അലോട്ട്മെന്റ് പ്രസിദ്ധീകരിച്ചു. 22.09.2020 മുതല് കോളേജുകളില് പ്രവേശനം നേടാം.
കേരള സർവകലാശാലയുടെ 2020 -21 അദ്ധ്യയന വര്ഷത്തെ ബിരുദ പ്രവേശനത്തിനുള്ള രണ്ടാം ഘട്ട അലോട്ട്മെന്റ് (http://admissions.keralauniversity.ac.in) പ്രസിദ്ധപ്പെടുത്തി. അപേക്ഷകര്ക്ക് ആപ്ലിക്കേ ഷന് നമ്പറും പാസ്വേഡും ഉപയോഗിച്ച് ലോഗിന് ചെയ്ത് തങ്ങളുടെ അലോട്ട്മെന്റ് പരിശോധിക്കാം.
ഒന്നാം ഘട്ട അലോട്ട്മെന്റ് ലഭിക്കാത്തവരും എന്നാല് രണ്ടാം ഘട്ടത്തില് പുതുതായി അലോട്ട്മെന്റ് ലഭിക്കുകയും ചെയ്ത അപേക്ഷകര് ഓണ്ലൈനായി അഡ്മിഷന് ഫീസ് അടച്ച് തങ്ങളുടെ അലോട്ട്മെന്റ് ഉറപ്പാക്കേണ്ടതാണ്. ഒന്നാം ഘട്ട അലോട്ട്മെന്റ് ലഭിച്ച് അഡ്മിഷന് ഫീസ് അടച്ചവര് രണ്ടാം ഘട്ട അലോട്ട്മെന്റില് ഹയര് ഓപ്ഷനുകളില് ഏതെങ്കിലും ലഭിച്ചാല് അഡ്മിഷന് ഫീസ് വീണ്ടും അടയ്ക്കേണ്ടതില്ല.
അലോട്ട്മെന്റ് ലഭിച്ച് ഓണ്ലൈനായി ഫീസ് അടച്ച അടച്ച അപേക്ഷകര്ക്ക് ആപ്ലിക്കേഷന് നമ്പറും പാസ്വേര്ഡും ഉപയോഗിച്ച് ലോഗിന് ചെയ്ത ശേഷം അലോട്ട്മെന്റ് മെമ്മോയുടെ പ്രിന്റ് എടുക്കാം. അലോട്ട്മെന്റ് ലഭിച്ച കോളേജ്, കോഴ്സ്, അഡ്മിഷൻ തീയതി എന്നിവ അലോട്ട്മെന്റ് മെമ്മോയില് നിന്ന് ലഭിക്കും. മെമ്മോയില് പറഞ്ഞിരിക്കുന്ന തീയതികളില് യോഗ്യത തെളിയിക്കുന്ന അസല് സര്ട്ടിഫിഫിക്കറ്റുകള് സഹിതം (കൂടുതല് വിവരങ്ങള്ക്ക് അലോട്ട്മെന്റ് മെമ്മോ കാണുക) കോളേജില് ഹാജരായി അഡ്മിഷൻ എടുക്ക ണം.
കോവിഡ് മഹാമാരിയുമായി ബന്ധപ്പെട്ട പ്രോട്ടോകോള് നിര്ബന്ധമായും പാലിക്കേണ്ടതാണ്. വിശദവിവരം സര്വകലാശാല വെബ്സൈറ്റില്.
No comments:
Post a Comment