National Scholarship for brilliant students of eighth class എട്ടാംക്ലാസിലെ മിടുക്കർക്കായി ദേശീയ സ്കോളർഷിപ് (എൻ. എം. എം. എസ് - നാഷണൽ മീൻസ് കം മെറിറ്റ് സ്‌കോളർഷിപ്പ്)

ഏഴാം ക്ലാസിലെ വാർഷിക പരീക്ഷയിൽ എല്ലാ വിഷയങ്ങൾക്കും 55 ശതമാനത്തിൽ കുറയാത്ത മാർക്ക് നേടിയവരും രക്ഷിതാക്കളുടെ വാർഷിക വരുമാനം ഒന്നര ലക്ഷത്തിൽ കൂടാത്തവരുമായ വിദ്യാർഥികൾക്ക് പരീക്ഷ എഴുതാം. 2019 നവംബർ 17-നാണ് പരീക്ഷ. www.scert.kerala.gov.in എന്ന സൈറ്റിൽ ഓൺലൈനായാണ് അപേക്ഷ നൽകേണ്ടത്.

എൻ.ടി.എസ്, എൻ.എം.എം.എസ് പരീക്ഷയ്ക്ക് ഓൺലൈൻ അപേക്ഷ സമർപ്പിക്കേണ്ട അവസാന തിയതി ഒക്‌ടോബർ അഞ്ച്. ഓൺലൈനായി സമർപ്പിച്ച അപേക്ഷയുടെ പകർപ്പ് സ്‌കൂൾ പ്രിൻസിപ്പലിനോ ഹെഡ്മാസ്റ്റർക്കോ നൽകണം. 

രണ്ട് പാർട്ടുകളായിട്ടാണ് പരീക്ഷ.

പാർട്ട് ഒന്ന് സ്കൊളാസ്റ്റിക് ആപ്റ്റിറ്റ്യൂഡ്‌ ടെസ്റ്റ് (SAT) ആണ്. 90 ചോദ്യങ്ങൾ ഉണ്ടാവും. പരീക്ഷാ സമയം ഒന്നര മണിക്കൂർ. ഓരോ ചോദ്യത്തിനും നാല്‌ വ്യത്യസ്ത ഉത്തരങ്ങൾ ഉണ്ടാവും. ഇതിൽ ഏറ്റവും അനുയോജ്യമായ ഉത്തരം ഒ.എം.ആർ. ഉത്തരക്കടലാസിൽ പൂർണമായി കറുപ്പിച്ച് അടയാളപ്പെടുത്തുകയാണ് വേണ്ടത്. ഏഴ്, എട്ട് ക്ലാസിൽ പഠിച്ച സാമൂഹ്യശാസ്ത്രം, അടിസ്ഥാന ശാസ്ത്രം, ഗണിതം എന്നീ വിഷയങ്ങളുമായി ബന്ധപ്പെട്ടവയായിരിക്കും ചോദ്യങ്ങൾ. എട്ടാംക്ലാസിലെ സെക്കൻഡ് ടേം വരെയുള്ള പാഠഭാഗങ്ങൾ മാത്രമേ സിലബസിൽ ഉൾപ്പെട്ടിട്ടുള്ളൂ. കേവലം ഓർമ പരിശോധിക്കുന്ന രീതിയിലാവില്ല ചോദ്യങ്ങൾ. മറിച്ച് യുക്തിപൂർവം വിശകലനംചെയ്ത് ഉത്തരം എഴുതേണ്ട രീതിയിലായിരിക്കും. ഓരോ ചോദ്യത്തിനും ഒരു മാർക്ക് വീതം ആയിരിക്കും. നെഗറ്റീവ് മാർക്ക് ഇല്ല. ഒന്ന്‌ മുതൽ 35 വരെ ചോദ്യങ്ങൾ സാമൂഹ്യശാസ്ത്രത്തിൽനിന്ന്, 36 മുതൽ 70 വരെ ചോദ്യങ്ങൾ ശാസ്ത്രവിഷയത്തിൽനിന്ന്‌, 71 മുതൽ 90 വരെ ചോദ്യങ്ങൾ ഗണിതത്തിൽനിന്ന് എന്നിങ്ങനെ.

ഇംഗ്ലീഷ്, മലയാളം, തമിഴ്, കന്നഡ ഭാഷകളിൽ ചോദ്യപ്പേപ്പർ ഉണ്ടായിരിക്കും. ഏത്‌ ഭാഷയിലാണ് വേണ്ടതെന്ന് ഓൺലൈനിൽ രേഖപ്പെടുത്തണം.
നവംബർ 17-ന് രാവിലെ 10 മുതൽ 11.30 വരെ ഒന്നാം പാർട്ടും (SAT) 1.30 മുതൽ 3.00 വരെ രണ്ടാം പാർട്ടും (MAT) പരീക്ഷ നടക്കും.  വില്ലേജ് ഓഫീസർ നൽകുന്ന വരുമാന സർട്ടിഫിക്കറ്റ്, ഫോട്ടോ, ആധാർ തുടങ്ങിയവ കരുതണം. എട്ടാംക്ലാസിൽ സ്കോളർഷിപ്പ് നേടുന്ന വിദ്യാർഥിക്ക് ഒമ്പതാം ക്ലാസുമുതൽ പന്ത്രണ്ടാം ക്ലാസുവരെ മാസംതോറും 1000 രൂപ കിട്ടുന്നുവെന്നതാണ് ഇതിന്റെ സവിശേഷത.

മുൻവർഷങ്ങളിലെ ചില
ചോദ്യങ്ങൾ പരിചയപ്പെടാം.
1. ഇന്ത്യയുടെ സ്വാതന്ത്ര്യ സമരവുമായി ബന്ധപ്പെട്ട ചില സംഭവങ്ങളാണ് തന്നിട്ടുള്ളത്.
(എ) ഉപ്പുസത്യാഗ്രഹം
(ബി) ക്വിറ്റിന്ത്യ പ്രസ്ഥാനം
(സി) ജാലിയൻവാലാബാഗ്
(ഡി) ചൗരി-ചൗര സംഭവം
ചുവടെ തന്നിട്ടുള്ളതിൽനിന്നും ഇവയുടെ ശരിയായ കാലഗണനാക്രമം കണ്ടെത്തുക.
(1) സി, ഡി, എ, ബി
(2) സി, ബി, ഡി, എ
(3) ഡി, എ, ബി, സി
(4) ബി, സി, ഡി, എ

ഓരോ സംഭവവും നടന്ന വർഷം കണ്ടെത്തി പിന്നീട് വർഷങ്ങളുടെ അടിസ്ഥാനത്തിൽ ക്രമപ്പെടുത്തണം. ഉത്തരം ഒന്നാമത്തെ സി.ഡി.എ.ബി. എന്നതായിരിക്കുമല്ലോ.

2. താഴെ കൊടുത്തിരിക്കുന്ന സമിതികളുടെ സ്ഥാപനത്തിന്റെ കാലഗണനാക്രമം ഏതാണ്?
(a) ആര്യസമാജം
(b) ബ്രഹ്മസമാജം
(c) പ്രാർഥനസമാജം
(d) രാമകൃഷ്ണമിഷൻ
(1) acbd (2) bcad
(3) cbda (4) cabd

ഉത്തരം: bcad

3. നിങ്ങൾ ഉദയസൂര്യനെ നോക്കിനിന്നാൽ നിങ്ങളുടെ ഇടതുവശം ഏത്‌ ദിശയിലായിരിക്കും?
(a) കിഴക്ക് (b) പടിഞ്ഞാറ്
(c) തെക്ക് (d) വടക്ക്

യുക്തിപൂർവം ചിന്തിച്ചാൽ ഉത്തരം വടക്ക് എന്ന് കിട്ടുമല്ലോ.

4. ഒരു സംഖ്യയുടെ മൂന്നുമടങ്ങിനോട് രണ്ട് കൂട്ടിയതും മൂന്നു കൂട്ടിയതിന്റെ രണ്ടുമടങ്ങും തുല്യമാണ്. സംഖ്യ ഏതാണ്?
(1) 1 (2)2 (3)3 (4)4

ഉത്തരം: 4

പാർട്ട് 2 മനോനൈപുണി പരീക്ഷയാണ്.
MAT അഥവാ Mental Ability Test

Analogy (സാമ്യം) Classification (വർഗീകരണം) Numerical Series (സംഖ്യാശ്രേണി) Reasoning (യുക്തിചിന്ത) പാറ്റേണുകൾ തിരിച്ചറിയൽ, മറഞ്ഞിരിക്കുന്ന രൂപങ്ങൾ കണ്ടെത്തൽ തുടങ്ങി വ്യത്യസ്ത രീതിയിലുള്ള ചോദ്യങ്ങളാണ് MATൽ ഉൾപ്പെടുത്തിയത്. 90 മാർക്കിനുള്ള 90 ചോദ്യങ്ങൾ ഉണ്ടാവും. 90 മിനിറ്റാണ് സമയം. ചോദ്യമാതൃകകൾ പരിചയപ്പെടുകയാണ്‌ വേണ്ടത്. ഉത്തരം പഠിക്കുകയല്ല, ഉത്തരങ്ങളിലേക്ക് എത്തിയ രീതികളാണ് പരിചയപ്പെടേണ്ടത്.

Analogy വിഭാഗത്തിൽപ്പെട്ട ചോദ്യങ്ങൾക്ക് ഉദാഹരണങ്ങൾ പരിചയപ്പെടാം.

താഴെ തന്നിരിക്കുന്ന ആദ്യ വാക്കുകൾ തമ്മിൽ ഒരു ബന്ധം ഉണ്ട്. ഇതേ ബന്ധം പാലിക്കുന്ന രീതിയിൽ വിട്ടുപോയ പദം കണ്ടെത്തുക:
(1) ഇതൾ : പൂവ്. അധ്യായം: .....?
(a) ഖണ്ഡിക (b) പുസ്തകം
(c) ശീർഷകം (d) രചയിതാവ്
(2) ചന്ദ്രൻ : ഉപഗ്രഹം. ഭൂമി: ........
(a) സൂര്യൻ (b) സൗരയൂഥം
(c) ഗ്രഹം (d) നക്ഷത്രം
(3) അസ്ഥികൂടം : ശരീരം. വ്യാകരണം: .............?
(a) വിദ്യാഭ്യാസം (b) ഭാഷ
(c) വിപരീതം (d) അർഥം

ഈ ചോദ്യങ്ങളിലെ ആദ്യത്തെ രണ്ടു വാക്കുകൾ ഒരു പ്രത്യേക ആശയത്തിന്റെ അടിസ്ഥാനത്തിൽ ബന്ധപ്പെട്ട് നിൽക്കുന്നു. മൂന്നാമത്തെ വാക്കിനെ അതേ ആശയത്തിന്റെ അടിസ്ഥാനത്തിൽ ബന്ധപ്പെടുത്തുകയാണ് വേണ്ടത്. ഇതൾ പൂവിനെങ്ങനെയാണോ അതേപോലെ അധ്യായം പുസ്തകത്തിനു ചേരുന്നു. ചന്ദ്രനും ഉപഗ്രഹവും എന്ന രീതിയിലാണ് ഭൂമിയും ഗ്രഹവും. അസ്ഥികൂടവും ശരീരവും തമ്മിലുള്ള ബന്ധംപോലെയാണ് വ്യാകരണവും ഭാഷയും.

സംഖ്യാശ്രേണിയുമായി ബന്ധപ്പെട്ട ചോദ്യവും യുക്തിചിന്ത ആവശ്യപ്പെടുന്നു.

മാതൃകാചോദ്യങ്ങൾ പരിചയപ്പെടാം.

1.  3, 7, 15,? 63, 127 വിട്ടുപോയ ഭാഗത്തെ സംഖ്യയേത്?
(a) 30 (b) 47 (c) 31 (d) 52

സംഖ്യാശ്രേണി
3+4 = 7
7+8 = 15
15+16 = 31
31+32 = 63
63+64 = 127 ഈ രീതിയിലായതിനാൽ 31 ഉത്തരമാവും.

2.  12, 32, 72,  152 ... 632  ഈ ശ്രേണിയിൽ വിട്ടുപോയ സംഖ്യഏത്?
(a) 352 (b) 244 (c) 270 (d) 312

ഇവിടെ 12+20 = 32, 32 + 40 = 72, 72+80= 152 എങ്കിൽ 152+160 = 312 ഉത്തരംകിട്ടും

3. 1, 4, 9, 16, 25 ............ എന്ന ശ്രേണിയിൽ വിട്ടുപോയ സംഖ്യ ഏത്?
[64.49.81.36]

12, 22, 32, 42, 52 എന്ന ക്രമത്തിലായതിനാൽ ഉത്തരം 36 ആയിരിക്കുമല്ലോ.

കലണ്ടറുമായി ബന്ധപ്പെട്ട ചോദ്യങ്ങളാണ് മറ്റൊന്ന്.

ഒരു മാസത്തിലെ 17-ാം തീയതി ശനിയാഴ്ചയാണെങ്കിൽ നാലാമത്തെ വ്യാഴം ഏത്‌ തീയതി?
(a) 28 (b) 29 (c) 27 (d) 30

17 ശനിയായതിനാൽ 3, 10 തീയതികളും ശനിയായിരിക്കും. 3 ശനിയായതിനാൽ 1-ാം തീയതി വ്യാഴം ആയിരിക്കുമല്ലോ. എങ്കിൽ 8, 15, 22, 29 തീയതികൾ വ്യാഴാഴ്ചയാകും. അങ്ങനെ നാലാമത്തെ വ്യാഴം
22-ാം തീയതിയാവും.

കുടുംബബന്ധവുമായി യുക്തിചിന്താ ചോദ്യങ്ങൾ ഉണ്ടാവും. സഹോദരൻ, അമ്മാവൻ, മുത്തശ്ശി, മരുമകൻ തുടങ്ങിയ ബന്ധങ്ങൾ മനസ്സിലാക്കിയാൽ എളുപ്പത്തിൽ ഉത്തരം കണ്ടെത്താൻ കഴിയുന്നവയാണ് ഇത്തരം ചോദ്യങ്ങൾ.

 കോഡിങ്, ഡീ കോഡിങ് വിഭാഗത്തിലുള്ള ചോദ്യങ്ങൾ പരിചയപ്പെടുന്നത് കൗതുകകരവും വെല്ലുവിളി ഉയർത്തുന്നവയുമാണ്. അക്ഷരങ്ങളുടെയും അക്കങ്ങളുടെയും  പ്രത്യേക ക്രമീകരണങ്ങളിലൂടെ സൃഷ്ടിക്കുന്ന രഹസ്യഭാഷയാണ് കോഡിങ്.

ഉദാഹരണം പരിചയപ്പെടാം.

RUST = 9- 6- 8- 7
DONE = 23- 12- 13- 22 എന്നാണെങ്കിൽ TEAM എന്നത് നിങ്ങൾ എങ്ങനെ കോഡുചെയ്യും.
(a) 7-23-25-13
(b) 7-22-26-14
(c) 7-23-26-14
(d) 7-23-24-13

ഇംഗ്ലീഷ് അക്ഷരമാലയുടെ വിപരീത സംഖ്യാക്രമത്തിലാണ് കോഡിങ് നടത്തിയതെന്ന്‌ മനസ്സിലാക്കാം. D= 23, E = 22 എന്നിങ്ങനെ കാണുമ്പോൾതന്നെ സൂചന കിട്ടുമല്ലോ. ഇതിന്റെ അടിസ്ഥാനത്തിൽ കോഡ് ചെയ്താൽ 7-22-26-14 എന്നുകിട്ടും. 26-ാം അക്ഷരം A ആയതിനാൽ 2, 3 ഓപ്ഷനുകൾ മാത്രമേ പരിഗണിക്കേണ്ടതുള്ളൂ.

കൂടുതൽ പരിചയപ്പെട്ടാൽ രസകരമാവും.

DOG എന്നത് WLT എന്നും CAL എന്നത് XZG എന്നും എഴുതിയാൽ COW എന്നത് എങ്ങനെ കോഡ് ചെയ്യും.
(a) XLD (b) XLW (c) XLE (d) XDL

ഇവിടെ അക്ഷരങ്ങളാണ്  A= Z എന്ന വിപരീതക്രമത്തിൽ വന്നത്. അതിനാൽ C= X, O= L, W= D എന്ന്‌ കിട്ടുമല്ലോ.
ഉത്തരം XLD

ഒളിഞ്ഞുകിടക്കുന്നവ കണ്ടെത്താനുള്ള ചോദ്യങ്ങളും രസകരമാണ്. ഉദാഹരണത്തിന് OITPL എന്നീ അക്ഷരങ്ങളെ പുനഃക്രമീകരിച്ച് ഒരു തൊഴിലിന്റെ പേര് ഉണ്ടാക്കാൻ പറ്റിയാൽ ആ വാക്കിന്റെ മധ്യഭാഗത്തെ അക്ഷരം ഏത്?
(a) I (b) L (c) P (d) T

PILOT എന്ന വാക്കിന്റെ മധ്യഭാഗത്തെ അക്ഷരം കണ്ടെത്താമല്ലോ.

INTERPRETATION എന്ന വാക്കിലെ ഏഴാമത്തെയും പത്താമത്തെയും പന്ത്രണ്ടാമത്തെയും പതിനാലാമത്തെയും അക്ഷരങ്ങൾ ഉപയോഗിച്ച് ഒരു അർഥവത്തായ പദം എഴുതിയാൽ താഴെ കൊടുത്തിരിക്കുന്നവയിൽ ഏതായിരിക്കും ആ വാക്കിന്റെ വലത്തേ അറ്റത്തുനിന്നും മൂന്നാമത്‌ വരുന്ന അക്ഷരം?
(a) P  (b) R (c) I (d) A

ചോദ്യം നന്നായി ശ്രദ്ധിച്ച് വായിച്ചാൽ വാക്ക് rain എന്ന്‌ കിട്ടും. പിന്നീട് ഉത്തരം എളുപ്പമായല്ലോ.

MATചോദ്യങ്ങൾ ബുദ്ധിപരീക്ഷ തന്നെയാണ്. കാണാപ്പാഠം പഠിച്ച് സ്കോർ നേടുന്നവരെക്കാൾ, യുക്തിപൂർവം ചിന്തിക്കാൻ കഴിയുന്നവർക്ക് ഈ പാർട്ടിൽ കൂടുതൽ സ്കോർ നേടാൻ കഴിയും. ഉത്തരത്തിലേക്ക് പലപ്പോഴും ഒന്നിലധികം വഴികൾ ഉണ്ട് എന്നതും ഇത്തരം ചോദ്യങ്ങളുടെ സവിശേഷതയാണ്.

ഒരു സ്കൂളിൽ അഞ്ച് അധ്യാപകർ. A, B എന്നീ അധ്യാപകർ ഫിസിക്സും കെമിസ്ട്രിയും പഠിപ്പിക്കും
C, B എന്നിവർ കെമിസ്ട്രിയും ജിയോഗ്രഫിയും പഠിപ്പിക്കും
D, A എന്നിവർ ഗണിതവും ഫിസിക്സും പഠിപ്പിക്കും.
E, B എന്നിവർ ഹിന്ദിയും മലയാളവും പഠിപ്പിക്കും
എങ്കിൽ ഏറ്റവും കൂടുതൽ വിഷയങ്ങൾ പഠിപ്പിക്കുന്ന അധ്യാപകൻ
(a) A (b) B (c) C   (d) D

ശരാശരി, ദിശ, ദൂരം, ക്ലോക്ക് തുടങ്ങിയവയുമായി ബന്ധപ്പെട്ട ചോദ്യങ്ങളും ഈ പാർട്ടിൽ പ്രതീക്ഷിക്കാം. SAT, MAT എന്നീ വിഷയങ്ങൾക്ക് ഒന്നാകെ 40% മാർക്ക് ലഭിച്ചാൽ സ്കോളർഷിപ്പിന് അർഹരായി. എസ്.സി., എസ്.ടി, അംഗപരിമിതർ എന്നിവർക്ക് കുറഞ്ഞ മാർക്ക്  32 ശതമാനം  ആണ്.

കേരള പുനർനിർമാണത്തിൽ ഗ്രന്ഥശാലാ പ്രവർത്തകർ മുന്നിട്ടിറങ്ങണം: ലൈബ്രറി കൗൺസിൽ Library activists must take the lead in rebuilding Kerala: Library Council

മഴക്കെടുതിയിൽ തകർന്ന കേരളത്തെ പുനർനിർമിക്കാനുള്ള യജ്ഞത്തിൽ ഗ്രന്ഥശാലാ പ്രവർത്തകർ സജീവമായി പങ്കെടുക്കണമെന്ന് കേരള സ്റ്റേറ്റ് ലൈബ്രറി കൗൺസിൽ പ്രസിഡന്റ് ഡോ. കെ.വി. കുഞ്ഞികൃഷ്ണനും സെക്രട്ടറി അഡ്വ. പി. അപ്പുക്കുട്ടനും ആവശ്യപ്പെട്ടു.

ദുരിതാശ്വാസ പ്രവർത്തനത്തിൽ ഗ്രന്ഥശാലാ പ്രവർത്തകർ മുന്നിട്ടിറങ്ങി അഭിമാനാർഹമായ പ്രവർത്തനം നടത്തിയിട്ടുണ്ട്. കേരളത്തെ പുനർനിർമിക്കാനുള്ള പ്രവർത്തനത്തിലും പ്രവർത്തകർ മുന്നിട്ടിറങ്ങണം. എല്ലാ ലൈബ്രറികളും മുഖ്യമന്ത്രിയുടെ ദുരിതാശ്വാസ നിധിയിലേക്ക് ഫണ്ട് ശേഖരണം നടത്തണം.  ഗ്രന്ഥശാലകൾ ശേഖരിക്കുന്ന ഫണ്ട് താലൂക്ക് ലൈബ്രറി കൗൺസിലുകളെ ഏൽപ്പിക്കണം.  ജില്ലാ ലൈബ്രറി കൗൺസിലുകൾ ഈ പ്രവർത്തനങ്ങൾക്ക് നേതൃത്വം നൽകി ഫണ്ട് ശേഖരിച്ച് സ്റ്റേറ്റ് ലൈബ്രറി കൗൺസിലിനെ ഏൽപിക്കണം.  ഈ പ്രവർത്തനങ്ങളുമായി ഗ്രന്ഥശാലാ പ്രവർത്തകരും അഭ്യുദയകാംക്ഷികളും സഹകരിക്കണമെന്ന് അഭ്യർത്ഥിച്ചു.

ഒന്നാം വര്‍ഷ ബിരുദാനന്തര ബിരുദ പ്രവേശനം(പി.ജി) - 2019 ജനറല്‍/മറ്റ് വിഭാഗങ്ങള്‍ക്ക് സ്പോട്ട് അലോട്ട്മെന്‍റ് First Year Post Graduate Admission (PG) - 2019 Spot / Allotment for General / Other categories

ഒന്നാം  വര്‍ഷ  ബിരുദാനന്തര  ബിരുദ  പ്രവേശനം(പി.ജി)  -  2019 ജനറല്‍/മറ്റ്  വിഭാഗങ്ങള്‍ക്ക്    സ്പോട്ട്  അലോട്ട്മെന്‍റ്  മേഖല  തലത്തില്‍

സര്‍വകലാശാലയോട്  അഫിലിയേറ്റ്  ചെയ്തിട്ടുള്ള  ഗവണ്‍മെന്‍റ്/  എയ്ഡഡ്/  സ്വാശ്രയ/ യു.ഐ.റ്റി./  ഐ.എച്ച്.ആര്‍.ഡി.  കോളേജുകളില്‍  ഒന്നാം  വര്‍ഷ  പി.ജി  കോഴ്സുകളിലെ  ഒഴിവുള്ള സീറ്റുകളിലേയ്ക്ക്    ജനറല്‍/മറ്റ്  സംവരണ  വിഭാഗങ്ങള്‍ക്ക്  മേഖല  തലത്തില്‍  സ്പോട്ട്  അലോട്ട്മെന്‍റ്  നടത്തുന്നു.  കൊല്ലം  മേഖലയിലും  ആലപ്പുഴ  മേഖലയിലും  ഉള്‍പ്പെടുത്തിയിട്ടുള്ള  കോളേജുകളിലേയ്ക്ക്  ആഗസ്റ്റ്  22-ാം  തീയതി  യഥാക്രമം  കൊല്ലം  എസ്.എന്‍  കോളേജിലും,  ആലപ്പുഴ എസ്.ഡി.കോളേജിലും,  തിരുവനന്തപുരം  മേഖലയിലും  അടൂര്‍  മേഖലയിലും  ഉള്‍പ്പെടുത്തിയിട്ടുള്ള  കോളേജുകളിലേയ്ക്ക്      ആഗസ്റ്റ്  24-ാം  തീയതി  യഥാക്രമം  സര്‍വകലാശാല  ആസ്ഥാനത്തുള്ള  സെനറ്റ്  ഹാളിലും  അടൂര്‍  സെന്‍റ്  സിറിള്‍സ്  കോളേജിലുമാണ്  സ്പോട്ട്  അലോട്ട്മെന്‍റ് നടത്തുന്നത്. 

എസ്.സി/എസ്.ടി  സ്പോട്ട്  അലോട്ട്മെന്‍റിന്  ശേഷം  ഒഴിവ്  വന്ന  സീറ്റുകള്‍  അര്‍ഹരായ  മറ്റു  വിഭാഗങ്ങളിലേയ്ക്ക്  നിയമാനുസൃതം  മാറ്റി  ഈ  സ്പോട്ട്  അലോട്ട്മെന്‍റ്  വഴി  നികത്തുന്നതാണ്.  രാവിലെ  9  മണി  മുതല്‍  11  മണി  വരെ  വിദ്യാര്‍ത്ഥികള്‍  ഓണ്‍ലൈന്‍  അപേക്ഷയുടെ പ്രിന്‍റ്  ഔട്ട്  സഹിതം  ഹാജരായി  റിപ്പോര്‍ട്ട്  ചെയ്യണം.  ഈ  സമയത്തിനകം  ഹാജരായി  രജിസ്റ്റര്‍ ചെയ്തവരില്‍  നിന്നും  റാങ്ക്  പട്ടിക  തയ്യാറാക്കി  സ്പോട്ട്  അലോട്ട്മെന്‍റ്  നടത്തും. 

നിലവില്‍ കോളേജുകളില്‍ പഠിച്ചുകൊണ്ടിരിക്കുന്ന വിദ്യാര്‍ത്ഥികള്‍ സ്പോട്ട് അലോട്ട്മെന്‍റില്‍ പ്രവേശനം ഉറപ്പായാല്‍ മാത്രമേ ടി.സി.വാങ്ങുവാന്‍ പാടുള്ളൂ. ഇതുവരെ പ്രവേശനം ലഭിക്കാതെ സ്പോട്ട് അലോട്ട്മെന്‍റില്‍ പങ്കെടുക്കാന്‍ വരുന്ന വിദ്യാര്‍ത്ഥികളുടെ കൈവശം യോഗ്യതയും ജാതിയും തെളിയിക്കുന്ന അസ്സല്‍ സര്‍ട്ടിഫിക്കറ്റുകള്‍ ഉണ്ടായിരിക്കണം. കോളേജും കോഴ്സും അലോട്ട് ചെയ്തു കഴിഞ്ഞാല്‍ യാതൊരു കാരണവശാലും മാറ്റം അനുവദിക്കുകയില്ല. രജിസ്ട്രേഷന്‍ സമയം (രാവിലെ 9 മുതല്‍ 11 മണി വരെ) കഴിഞ്ഞു വരുന്നവരെ ഒരു കാരണവശാലും പരിഗണിക്കുന്നതല്ല. ഓരോ മേഖലയിലും ഉള്‍പ്പെടുത്തിയിരിക്കുന്ന കോളേജുകളുടെ വിവരം, ഒഴിവുള്ള സീറ്റുകളുടെ വിവരം എന്നിവ സര്‍വകലാശാല വെബ്സൈറ്റില്‍ പ്രസിദ്ധീകരിക്കും. 

    സ്പോട്ട് അലോട്ട്മെന്‍റില്‍ പങ്കെടുക്കുന്ന എല്ലാ വിദ്യാര്‍ത്ഥികളും ഓണ്‍ലൈന്‍ അപേക്ഷയുടെ ഏറ്റവും പുതിയ പ്രിന്‍റ് ഔട്ട് നിര്‍ബന്ധമായും കൊണ്ട് വരേണ്ടതാണ്.രജിസ്ട്രേഷന്‍ സമയത്ത് റിപ്പോര്‍ട്ട് ചെയ്യുന്ന വിദ്യാര്‍ത്ഥികളില്‍ നിന്നും സര്‍വകലാശാല തയ്യാറാക്കുന്ന റാങ്ക് പട്ടികയുടെ അടിസ്ഥാനത്തിലാണ് പ്രവേശനം നടക്കുക. ഓണ്‍ലൈന്‍ രജിസ്ട്രേഷന്‍ ഇല്ലാത്തവരെ ഓണ്‍ലൈന്‍ അപേക്ഷ സമര്‍പ്പിച്ചിട്ടുള്ള എല്ലാവരേയും പരിഗണിച്ചതിന് ശേഷം മാത്രമേ അലോട്ട്മെന്‍റില്‍ പരിഗണിക്കുകയുള്ളൂ. അലോട്ട്മെന്‍റ് ലഭിച്ചാല്‍ ഉടന്‍ തന്നെ ഒടുക്കേണ്ടതായ പ്രവേശന ഫീസ് 1040/- രൂപ (എസ്.സി/എസ്.ടി വിഭാഗം 310/-രൂപ) കൈയില്‍ കരുതേണ്ടതാണ്. ഓണ്‍ലൈന്‍ രജിസ്ട്രേഷന്‍ ഇല്ലാത്ത വിദ്യാര്‍ത്ഥികള്‍ക്ക് അഡ്മിഷന്‍ ലഭിക്കുകയാണെങ്കില്‍ രജിസ്ട്രേഷന്‍ ഫീസായ 535/- രൂപയും (എസ്.സി/എസ്.ടി വിഭാഗം 270/-രൂപ) ഒടുക്കേണ്ടതാണ്. ഇതിനായി കൂടുതല്‍ സമയം അനുവദിക്കുന്നതല്ല.

നിലവില്‍ കോളേജുകളില്‍ പഠിച്ചുകൊണ്ടിരിക്കുന്ന വിദ്യാര്‍ത്ഥികള്‍ കോളേജില്‍ നിന്നും ലഭിച്ച തിരിച്ചറിയല്‍ കാര്‍ഡ്, ഓണ്‍ലൈന്‍ അപേക്ഷയുടെ പ്രിന്‍റൗട്ട് എന്നിവ നിര്‍ബന്ധമായും ഹാജരാക്കേണ്ടതാണ്. പ്രവേശന ഫീസ് മുന്‍പ് ഒടുക്കിയിട്ടുള്ള വിദ്യാര്‍ത്ഥികള്‍ വീണ്ടും ഈ തുക ഒടുക്കേണ്ടതില്ല. ആയതിനാല്‍ അവര്‍ ഈ തുക ഒടുക്കിയ രസീതിന്‍റെ പകര്‍പ്പ് നിശ്ചയമായും കൈവശം സൂക്ഷിക്കേണ്ടതാണ്. സ്വാശ്രയ(മെറിറ്റ് സീറ്റുകള്‍)/യു.ഐ.റ്റി. കോളേജുകളില്‍ പ്രവേശനം ആഗ്രഹിക്കുന്ന എല്ലാ വിദ്യാര്‍ത്ഥികളും മേല്‍ പറഞ്ഞ തീയതികളില്‍ സ്പോട്ട് അലോട്ട്മെന്‍റില്‍ പങ്കെടുക്കേണ്ടതാണ്.

കോളേജ് തലത്തില്‍ നേരിട്ടുള്ള പ്രവേശനം അനുവദിക്കുന്നതല്ല. സര്‍വകലാശാല നിശ്ചയിക്കുന്ന തീയതിക്കു ശേഷം ഒരു കാരണവശാലും പ്രവേശനം അനുവദിക്കുന്നതല്ല. രജിസ്ട്രേഷന്‍ ഉള്ള മുഴുവന്‍ വിദ്യാര്‍ത്ഥികളേയും പരിഗണിച്ച ശേഷം മാത്രമേ ഓണ്‍ലൈന്‍ രജിസ്ട്രേഷന്‍ ഇല്ലാത്തവരെ പരിഗണിക്കുകയുള്ളു. സ്പോട്ട് അലോട്ട്മെന്‍റിനായി സര്‍വകലാശാലയിലേയ്ക്ക് അപേക്ഷകള്‍ ഒന്നും തന്നെ അയയ്ക്കേണ്ടതില്ല.

2019-20 അധ്യയന വർഷത്തെ ഒന്നാം പാദവാർഷിക പരീക്ഷ - ടൈം ടേബിൾ First Quarterly Examination - Time Table

2019-20 അധ്യയന വർഷത്തെ ഒന്നാം പാദവാർഷിക പരീക്ഷ - ടൈം ടേബിൾ

HS Section

LP/UP Section

ഒന്നാം വര്‍ഷ ബിരുദ പ്രവേശനം - 2019 ജനറല്‍/മറ്റ് വിഭാഗങ്ങള്‍ക്ക് സ്പോട്ട് അലോട്ട്മെന്‍റ് Spot allotment for General / Other categories

ഒന്നാം വര്‍ഷ  ബിരുദ പ്രവേശനം  - 2019 ജനറല്‍/മറ്റ് വിഭാഗങ്ങള്‍ക്ക്   സ്പോട്ട്  അലോട്ട്മെന്‍റ് മേഖല  തലത്തില്‍

സര്‍വകലാശാലയോട് അഫിലിയേറ്റ്  ചെയ്തിട്ടുള്ള  ഗവണ്‍മെന്‍റ്/  എയ്ഡഡ്/ സ്വാശ്രയ/ യു.ഐ.റ്റി./  ഐ.എച്ച്.ആര്‍.ഡി.  കോളേജുകളില്‍  ഒന്നാം  വര്‍ഷ  ബിരുദ  കോഴ്സുകളിലെ  ഒഴിവുള്ള  സീറ്റുകളിലേയ്ക്ക്    ജനറല്‍/മറ്റ്  സംവരണ  വിഭാഗങ്ങള്‍ക്ക്  മേഖല  തലത്തില്‍  സ്പോട്ട്  അലോട്ട്മെന്‍റ്  നടത്തുന്നു.  തിരുവനന്തപുരം  മേഖലയിലുള്ള കോളേജുകളുടെ  സ്പോട്ട്  അലോട്ട്മെന്‍റ്    ആഗസ്റ്റ്  17-ാം  തീയതി  സര്‍വകലാശാല  ആസ്ഥാനത്തുള്ള  സെനറ്റ്  ഹാളിലും,  അടൂര്‍  മേഖലയിലേത്  ആഗസ്റ്റ്  19-ാം  തീയതി  അടൂര്‍  സെന്‍റ് സിറിള്‍സ്  കോളേജിലും,  ആലപ്പുഴ  മേഖലയിലേത്  ആഗസ്റ്റ്  20-ാം  തീയതി  ആലപ്പുഴ എസ്.ഡി.  കോളേജിലും,  കൊല്ലം  മേഖലയിലേത്  ആഗസ്റ്റ്  21-ാം  തീയതി  കൊല്ലം  എസ്.എന്‍ കോളേജിലും  നടത്തുന്നതാണ്. 

മേഖലാതലത്തില്‍  നടന്ന  എസ്.സി/എസ്.ടി  സ്പോട്ട് അലോട്ട്മെന്‍റിന്  ശേഷം  ഒഴിവ്  വന്ന  സീറ്റുകള്‍  അര്‍ഹരായ  മറ്റു  വിഭാഗങ്ങളിലേയ്ക്ക്  നിയമാനുസൃതം  മാറ്റി  ഈ  സ്പോട്ട് അലോട്ട്മെന്‍റ്  വഴി  നികത്തുന്നതാണ്. രാവിലെ  9  മണി  മുതല്‍  11  മണി  വരെ  വിദ്യാര്‍ത്ഥികള്‍  ഓണ്‍ലൈന്‍  അപേക്ഷയുടെ പ്രിന്‍റ്  ഔട്ട്  സഹിതം  ഹാജരായി  റിപ്പോര്‍ട്ട്  ചെയ്യണം.  ഈ  സമയത്തിനകം  ഹാജരായി  രജിസ്റ്റര്‍  ചെയ്തവരില്‍  നിന്നും  റാങ്ക്  പട്ടിക  തയ്യാറാക്കി  സ്പോട്ട്  അലോട്ട്മെന്‍റ്  നടത്തും. നിലവില്‍ കോളേജുകളില്‍ പഠിച്ചുകൊണ്ടിരിക്കുന്ന വിദ്യാര്‍ത്ഥികള്‍ സ്പോട്ട് അലോട്ട്മെന്‍റില്‍  പ്രവേശനം  ഉറപ്പായാല്‍  മാത്രമേ  ടി.സി.വാങ്ങുവാന്‍  പാടുള്ളൂ.

  ഇതുവരെ പ്രവേശനം  ലഭിക്കാതെ  സ്പോട്ട്  അലോട്ട്മെന്‍റില്‍  പങ്കെടുക്കാന്‍  വരുന്ന  വിദ്യാര്‍ത്ഥികളുടെ കൈവശം  യോഗ്യതയും  ജാതിയും  തെളിയിക്കുന്ന  അസ്സല്‍  സര്‍ട്ടിഫിക്കറ്റുകള്‍ ഉണ്ടായിരിക്കണം.  കോളേജും  കോഴ്സും  അലോട്ട്  ചെയ്തു  കഴിഞ്ഞാല്‍  യാതൊരു കാരണവശാലും  മാറ്റം  അനുവദിക്കുകയില്ല.  രജിസ്ട്രേഷന്‍  സമയം  (രാവിലെ  9  മുതല്‍  11 മണി  വരെ)  കഴിഞ്ഞു  വരുന്നവരെ  ഒരു  കാരണവശാലും  പരിഗണിക്കുന്നതല്ല.  ഓരോ മേഖലയിലും  ഉള്‍പ്പെടുത്തിയിരിക്കുന്ന  കോളേജുകളുടെ  വിവരം,  ഒഴിവുള്ള  സീറ്റുകളുടെ
വിവരം എന്നിവ സര്‍വകലാശാല വെബ്സൈറ്റില്‍  പ്രസിദ്ധീകരിക്കും.     

സ്പോട്ട് അലോട്ട്മെന്‍റില്‍ പങ്കെടുക്കുന്ന എല്ലാ വിദ്യാര്‍ത്ഥികളും ഓണ്‍ലൈന്‍ അപേക്ഷയുടെ ഏറ്റവും പുതിയ പ്രിന്‍റ് ഔട്ട് നിര്‍ബന്ധമായും കൊണ്ട് വരേണ്ടതാണ്.രജിസ്ട്രേഷന്‍ സമയത്ത് റിപ്പോര്‍ട്ട് ചെയ്യുന്ന വിദ്യാര്‍ത്ഥികളില്‍ നിന്നും സര്‍വകലാശാല തയ്യാറാക്കുന്ന റാങ്ക് പട്ടികയുടെ അടിസ്ഥാനത്തിലാണ് പ്രവേശനം നടക്കുക. ഓണ്‍ലൈന്‍ രജിസ്ട്രേഷന്‍ ഇല്ലാത്തവരെ ഓണ്‍ലൈന്‍ അപേക്ഷ സമര്‍പ്പിച്ചിട്ടുള്ള എല്ലാവരേയും പരിഗണിച്ചതിന് ശേഷം മാത്രമേ അലോട്ട്മെന്‍റില്‍ പരിഗണിക്കുകയുള്ളൂ.

അലോട്ട്മെന്‍റ് ലഭിച്ചാല്‍ ഉടന്‍ തന്നെ ഒടുക്കേണ്ടതായ പ്രവേശന ഫീസ് 1860/- രൂപ (എസ്.സി/എസ്.ടി വിഭാഗം 940/-രൂപ). ഓണ്‍ലൈന്‍ രജിസ്ട്രേഷന്‍ ഇല്ലാത്ത വിദ്യാര്‍ത്ഥികള്‍ക്ക് അഡ്മിഷന്‍ ലഭിക്കുകയാണെങ്കില്‍ രജിസ്ട്രേഷന്‍ ഫീസായ 430/- രൂപയും (എസ്.സി/എസ്.ടി വിഭാഗം 220/-രൂപ) ഒരുക്കേണ്ടതാണ്. ഇതിനായി കൂടുതല്‍ സമയം അനുവദിക്കുന്നതല്ല. നിലവില്‍ കോളേജുകളില്‍ പഠിച്ചുകൊണ്ടിരിക്കുന്ന വിദ്യാര്‍ത്ഥികള്‍ കോളേജില്‍ നിന്നും ലഭിച്ച തിരിച്ചറിയല്‍ കാര്‍ഡ്, ഓണ്‍ലൈന്‍ അപേക്ഷയുടെ പ്രിന്‍റൗട്ട് എന്നിവ നിര്‍ബന്ധമായും ഹാജരാക്കേണ്ടതാണ്. പ്രവേശന ഫീസ് മുന്‍പ് ഒടുക്കിയിട്ടുള്ള വിദ്യാര്‍ത്ഥികള്‍ വീണ്ടും ഈ തുക ഒരുക്കേണ്ടതില്ല. ആയതിനാല്‍ അവര്‍ ഈ തുക ഒടുക്കിയ രസീതിന്‍റെ പകര്‍പ്പ് നിശ്ചയമായും കൈവശം സൂക്ഷിക്കേണ്ടതാണ്. സ്വാശ്രയ(മെറിറ്റ് സീറ്റുകള്‍)/യു.ഐ.റ്റി. കോളേജുകളില്‍ പ്രവേശനം ആഗ്രഹിക്കുന്ന എല്ലാ വിദ്യാര്‍ത്ഥികളും മേല്‍ പറഞ്ഞ തീയതികളില്‍ സ്പോട്ട് അലോട്ട്മെന്‍റില്‍ പങ്കെടുക്കേണ്ടതാണ്. കോളേജ് തലത്തില്‍ നേരിട്ടുള്ള പ്രവേശനം അനുവദിക്കുന്നതല്ല. സര്‍വകലാശാല നിശ്ചയിക്കുന്ന തീയതിക്കു ശേഷം ഒരു കാരണവശാലും പ്രവേശനം അനുവദിക്കുന്നതല്ല. രജിസ്ട്രേഷന്‍ ഉള്ള മുഴുവന്‍ വിദ്യാര്‍ത്ഥികളേയും പരിഗണിച്ച ശേഷം മാത്രമേ ഓണ്‍ലൈന്‍ രജിസ്ട്രേഷന്‍ ഇല്ലാത്തവരെ പരിഗണിക്കുകയുള്ളു. സ്പോട്ട് അലോട്ട്മെന്‍റിനായി സര്‍വകലാശാലയിലേയ്ക്ക് അപേക്ഷകള്‍ ഒന്നും തന്നെ അയയ്ക്കേണ്ടതില്ല.

ഒമ്പത് ജില്ലകളില്‍ വിദ്യാഭ്യാസ സ്ഥാപനങ്ങള്‍ക്ക് നാളെ അവധി Holiday For Educational Institutions

എറണാകുളം, തൃശൂർ, കോഴിക്കോട്, മലപ്പുറം, വയനാട്, കണ്ണൂർ, കോട്ടയം, ആലപ്പുഴ, ഇടുക്കി ജില്ലകളിൽ വിദ്യാഭ്യാസ സ്ഥാപനങ്ങൾക്ക് ബുധനാഴ്ച (14/08/19) അവധി പ്രഖ്യാപിച്ചു.

ബുധനാഴ്ച നടത്തേണ്ടിയിരുന്ന വകുപ്പു തല പരീക്ഷ മാറ്റിയതായി പി.എസ്.സി അറിയിച്ചു.

എറണാകുളം ജില്ലയിൽ യെല്ലോ അലർട്ടാണ് പ്രഖ്യാപിച്ചിട്ടുള്ളതെങ്കിലും മഴ ശക്തമാകാനുള്ള സാധ്യത തള്ളിക്കളയാനാകാത്തതിനാലാണ് അവധി നൽകിയതെന്ന് കളക്ടർ എസ്.സുഹാസ് അറിയിച്ചു. ജില്ലയിലെ പ്രൊഫഷണൽ കോളേജുകൾ അടക്കമുള്ള എല്ലാ വിദ്യാഭ്യാസ സ്ഥാപനങ്ങൾക്കും അവധിയായിരിക്കും. സി.ബി.എസ്.ഇ, ഐ.സി.എസ്.ഇ, ഐ.സ്.ഇ തുടങ്ങിയ എല്ലാ സിലബസുകളിലുമുള്ള സ്കൂളുകൾക്കും കേന്ദ്രീയ വിദ്യാലയങ്ങൾ, അങ്കണവാടികൾ എന്നിവയ്ക്കും അവധി ബാധകമായിരിക്കുമെന്നും അദ്ദേഹം ഫെയ്സ്ബുക്കിൽ പോസ്റ്റിൽ പറഞ്ഞു. പരീക്ഷകൾ സംബന്ധിച്ച് സർവകലാശാലകളും പി.എസ്.സിയും അടക്കം പരീക്ഷാ നടത്തിപ്പിന്റെ ചുമതലയുള്ളവരുടെ അറിയിപ്പുകളാണ് പാലിക്കേണ്ടത്.

കോഴിക്കോട് പ്രൊഫഷണൽ കോളേജുകൾ അടക്കം ജില്ലയിലെ എല്ലാ വിദ്യാഭ്യാസ സ്ഥാപനങ്ങൾക്കും ബുധനാഴ്ച അവധിയായിരിക്കും. കേന്ദ്രീയ വിദ്യാലയങ്ങൾക്കും അങ്കണവാടികൾക്കും മദ്രസകൾക്കും അവധി ബാധകമാണ്. ബുധനാഴ്ച റെഡ് അലർട്ട് നിലനിൽക്കുന്നതും പല വിദ്യാലയങ്ങളും ദുരിതാശ്വാസ ക്യാമ്പുകളായി പ്രവർത്തിക്കുന്നതും വിദ്യാർത്ഥികളിൽ പലരും ദുരിതാശ്വാസക്യാമ്പുകളിലായതും പരിഗണിച്ചാണ് അവധി.

വയനാട് ജില്ലയിലെ പലയിടത്തും വെള്ളക്കെട്ട് പൂർണ്ണമായി ഒഴിഞ്ഞിട്ടില്ലാത്തതിനാലും ഓറഞ്ച് അലർട്ട് പ്രഖ്യാപിച്ചിട്ടുള്ള സാഹചര്യത്തിലും ദുരന്ത സാധ്യത ഒഴിവാക്കുന്നതിനുമാണ് വിദ്യാഭ്യാസ സ്ഥാപനങ്ങൾക്ക് അവധി പ്രഖ്യാപിക്കുന്നതെന്ന് ജില്ലാ കളക്ടർ പറഞ്ഞു. പ്രൊഫഷനൽ കോളജ് ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും അവധിയായിരിക്കും. അംഗൻവാടികൾക്കും അവധി ബാധകമാണ്. യൂണിവേഴ്സിറ്റിയുടെയും മറ്റും പൊതുപരീക്ഷകൾക്ക് മാറ്റം ഉണ്ടായിരിക്കില്ല. മോഡൽ റെസിഡെൻഷ്യൽ സ്കൂളുകൾക്ക് അവധി ബാധകമായിരിക്കില്ല.

മലപ്പുറംജില്ലയിൽ റെഡ് അലർട്ട് പ്രഖ്യാപിച്ചതിനാലും ദുരിതാശ്വാസ ക്യാമ്പുകളും ദുരിതാശ്വാസ പ്രവർത്തനങ്ങളും തുടർന്നുവരുന്നതിനാലുമാണ് വിദ്യാഭ്യാസ സ്ഥാപനങ്ങൾക്ക് അവധി നൽകുന്നതെന്ന് ജില്ലാ കളക്ടർ അറിയിച്ചു. പ്രൊഫഷണൽ കോളേജ്, കേന്ദ്രീയ വിദ്യാലയം എന്നിവ ഉൾപ്പെടെയുളള എല്ലാ വിദ്യാഭ്യാസ സ്ഥാപനങ്ങൾക്കും (അംഗൻവാടികൾ, മദ്രസകൾ ഉൾപ്പെടെയുളള മത വിദ്യാഭ്യാസ സ്ഥാപനങ്ങൾ അടക്കം) ബുധനാഴ്ച അവധിയായിരിക്കും.

കോട്ടയം ജില്ലയിലെ പ്രൊഫഷണൽ കോളേജുകളും അങ്കണവാടികളും ഉൾപ്പെടെ എല്ലാ വിദ്യാഭ്യാസ സ്ഥാപനങ്ങൾക്കും ബുധനാഴ്ച അവധിയായിരിക്കുമെന്ന് ജില്ലാ കളക്ടർ അറിയിച്ചു.

കണ്ണൂർ ജില്ലയിൽ കനത്ത മഴ തുടരുന്നതിനാലും ദുരന്തനിവാരണ വകുപ്പ് ഓറഞ്ച് അലേർട്ട് പ്രഖ്യാപിച്ചതിനാലും കണ്ണൂർ ജില്ലയിലെ പ്രൊഫഷണൽ കോളേജ് ഒഴികെയുള്ള വിദ്യാഭ്യാസ സ്ഥാപനങ്ങൾക്ക് ബുധനാഴ്ച അവധിയായിരിക്കുമെന്ന് ജില്ലാ കളക്ടർ അറിയിച്ചു. മദ്രസകൾക്കും അങ്കണവാടികൾക്കും അവധി ബാധകമായിരിക്കും. ട്യൂഷൻ സെന്ററുകളും മറ്റു സ്വകാര്യ വിദ്യാലയങ്ങളും പ്രവർത്തിക്കാൻ പാടില്ലെന്നും ജില്ലാ കളക്ടർ അറിയിച്ചു.

ഇടുക്കിജില്ലയിലെ പ്രൊഫഷണൽ കോളേജ്, അംഗൻവാടി, കേന്ദ്രീയ വിദ്യാലയങ്ങൾ ഉൾപ്പെടെ എല്ലാ വിദ്യാഭ്യാസ സ്ഥാപനങ്ങൾക്കും ജില്ലാ കളക്ടർ അവധി പ്രഖ്യാപിച്ചു.

അഞ്ച് ജില്ലകളിലെ വിദ്യാഭ്യാസ സ്ഥാപനങ്ങൾക്ക് നാളെ അവധി; കേരള എംജി സർവകലാശാകൾ പരീക്ഷകൾ മാറ്റി Educational institutions in five districts to be closed tomorrow

അഞ്ച് ജില്ലകളിലെ വിദ്യാഭ്യാസ സ്ഥാപനങ്ങൾക്ക്  ജില്ലാ കളക്ടർമാർ ചൊവ്വാഴ്ച (13-08-2019) അവധി പ്രഖ്യാപിച്ചു. തൃശ്ശൂർ, കോഴിക്കോട്, എറണാകുളം, മലപ്പുറം, വയനാട് ജില്ലകളിലാണ് അവധി പ്രഖ്യാപിച്ചത്. മഴയ്ക്ക് ശമനമുണ്ടെങ്കിലും വെള്ളക്കെട്ട് പൂർണ്ണമായും ഒഴിഞ്ഞിട്ടില്ലാത്ത് കൊണ്ട് ദുരന്തസാധ്യത ഒഴിവാക്കുന്നതിനായാണ് അവധി പ്രഖ്യാപിച്ചിട്ടുള്ളത്. ചില വിദ്യാഭ്യാസ സ്ഥാപനങ്ങളിൽ ദുരിതാശ്വാസ ക്യാമ്പുകൾ പ്രവർത്തിക്കുന്നത് കൂടി കണക്കിലെടുത്താണ് അവധി.

പ്രൊഫഷണൽ കോളേജുകൾ, കേന്ദ്രീയ വിദ്യാലയങ്ങൾ, സി.ബി.എസ്.ഇ/ഐ.സി.എസ്.ഇ സ്കൂളുകൾ, അംഗൻവാടികൾ, എന്നിങ്ങനെ എല്ലാ വിദ്യാഭ്യാസ സ്ഥാപനങ്ങൾക്കും അവധി ബാധകമാണ്. വയനാട്ടിലെ മോഡൽ റെസിഡൻഷ്യൽ സ്കൂളുകൾക്ക് അവധി ബാധകമല്ല.

മഹാത്മാഗാന്ധി സര്‍വകലാശാലയ്ക്കു കീഴിലുള്ള കോളജുകളില്‍ 14-നു നടത്താനിരുന്ന വിദ്യാര്‍ഥി യൂണിയന്‍ തിരഞ്ഞെടുപ്പ് മാറ്റിവച്ചതായി രജിസ്ട്രാര്‍ ഡോ. കെ. സാബുക്കുട്ടന്‍ അറിയിച്ചു.

ആരോഗ്യസർവകലാശാല നാളെയും മറ്റന്നാളും (13,14) നടത്താനിരുന്ന എല്ലാ തിയറി പരീക്ഷകളും മാറ്റിവച്ചതായി അധികൃതർ അറിയിച്ചു. പുതിയ തീയതി പിന്നീട്.

കേരള സർവകലാശാലയും എംജി സർവകലാശാലയും നാളെ നടത്താനിരുന്ന എല്ലാ പരീക്ഷകളും മാറ്റിവച്ചു. പുതുക്കിയ തീയതി പിന്നീട് അറിയിക്കും. നാളെയും മറ്റന്നാളും നടത്താനിരുന്ന പാരാമെഡിക്കല്‍ ഡിപ്ളോമ പരീക്ഷകളും മാറ്റിവച്ചിട്ടുണ്ട്. മറ്റ് യൂണിവേഴ്സിറ്റി പരീക്ഷകൾക്കും പൊതു പരീക്ഷകൾക്കും മാറ്റമില്ല.

Holiday to educational institutions കേരളത്തില്‍ കനത്ത ജാഗ്രത; 14 ജില്ലകളിലെയും വിദ്യാഭ്യാസ സ്ഥാപനങ്ങള്‍ക്ക് അവധി

കനത്ത മഴ തുടരുന്ന സാഹചര്യത്തില്‍ സംസ്ഥാനത്തെ 14 ജില്ലകളിലെയും വിദ്യാഭ്യാസ സ്ഥാപനങ്ങള്‍ക്ക് ജില്ലാ കളക്ടര്‍മാര്‍ ഇന്ന് (ഓഗസ്റ്റ് 9 വെള്ളിയാഴ്ച) അവധി പ്രഖ്യാപിച്ചു. കണ്ണൂര്‍, കോഴിക്കോട്, വയനാട്, മലപ്പുറം, പാലക്കാട്, എറണാകുളം, കോട്ടയം, തൃശ്ശൂര്‍, ആലപ്പുഴ, പത്തനംതിട്ട, ഇടുക്കി, കാസർകോട് ജില്ലകളില്‍ നേരത്തെ അവധി പ്രഖ്യാപിച്ചിരുന്നു. മഴ തുടര്‍ന്നതോടെ ഇന്ന് രാവിലെയാണ് തിരുവനന്തപുരത്തും കൊല്ലത്തും അവധി പ്രഖ്യാപിച്ചത്. പ്രൊഫഷണല്‍ കോളേജുകള്‍ക്കും അംഗനവാടികള്‍ക്കും മദ്രസകള്‍ക്കും അവധി ബാധകമാണ്.

കനത്ത മഴ തുടരുന്ന സാഹചര്യത്തില്‍ ജയില്‍ വകുപ്പിലെ വെൽഫെയർ ഓഫീസർ ഗ്രേഡ് 2 പരീക്ഷ പിഎസ്‍സി മാറ്റി വച്ചിട്ടുണ്ട്. ഇന്ന് നടത്താനിരുന്ന പരീക്ഷ ഈ മാസം 30-ലേക്കാണ് മാറ്റിയത്. ഇതോടൊപ്പം കേരള, കാലിക്കറ്റ്, എംജി, കണ്ണൂര്‍ സര്‍വ്വകലാശാലകളും ആരോഗ്യ സര്‍വകലാശാലയും ഇന്ന് നടത്താനിരുന്ന പരീക്ഷകള്‍ മാറ്റിവച്ചു.

കോഴിക്കോട്, വയനാട്, മലപ്പുറം, ഇടുക്കി ജില്ലകളില്‍ ഇന്ന് റെഡ് അലര്‍ട്ട് പ്രഖ്യാപിച്ചിട്ടുണ്ട്. കാസര്‍കോട്, കണ്ണൂര്‍, തൃശ്ശൂര്‍, പാലക്കാട്, എറണാകുളം ജില്ലകളില്‍ ഓറഞ്ച് അലര്‍ട്ടും ആലപ്പുഴ, കോട്ടയം, പത്തനംതിട്ട ജില്ലകളില്‍ യെല്ലോ അലര്‍ട്ടും ബാധകമാണ്.

11 ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് നാളെ അവധി: പിഎസ്‍സി, സര്‍വ്വകലാശാല പരീക്ഷകളും മാറ്റി Educational holidays in 11 districts tomorrow

കനത്ത മഴ തുടരുന്ന സാഹചര്യത്തില്‍ സംസ്ഥാനത്തെ 11 ജില്ലകളിലെ വിദ്യാഭ്യാസസ്ഥാപനങ്ങള്‍ക്ക് ജില്ലാ കളക്ടര്‍മാര്‍ നാളെ (ആഗസ്റ്റ് 9 വെള്ളിയാഴ്ച) അവധി പ്രഖ്യാപിച്ചു.  കണ്ണൂര്‍,കോഴിക്കോട്, വയനാട്, മലപ്പുറം, പാലക്കാട്, എറണാകുളം, കോട്ടയം,തൃശ്ശൂര്‍,ആലപ്പുഴ, പത്തനംതിട്ട,ഇടുക്കി, ജില്ലകളിലാണ് അവധി പ്രഖ്യാപിച്ചത്. പ്രൊഫഷണല്‍ കോളേജുകള്‍ക്കും അംഗനവാടികള്‍ക്കും അവധി ബാധകമാണ്.

കനത്ത മഴ തുടരുന്ന സാഹചര്യത്തില്‍ ജയില്‍ വകുപ്പിലെ വെൽഫെയർ ഓഫീസർ ഗ്രേഡ് 2 പരീക്ഷ പിഎസ്‍സി മാറ്റി വച്ചിട്ടുണ്ട്. നാളെ നടത്താനിരുന്ന പരീക്ഷ ഈ മാസം 30-ലേക്കാണ് മാറ്റിയത്. ഇതോടൊപ്പം കേരള, കാലിക്കറ്റ്, എംജി, കണ്ണൂര്‍ സര്‍വ്വകലാശാലകളും ആരോഗ്യ സര്‍വകലാശാലയും നാളെ നടത്താനിരുന്ന പരീക്ഷകള്‍ മാറ്റിവച്ചു.

കോഴിക്കോട്, വയനാട്, മലപ്പുറം, ഇടുക്കി ജില്ലകളില്‍ നാളെ റെഡ് അലര്‍ട്ട് പ്രഖ്യാപിച്ചിട്ടുണ്ട്. കാസര്‍കോട്, കണ്ണൂര്‍, തൃശ്ശൂര്‍,പാലക്കാട്,എറണാകുളം ജില്ലകളില്‍ നാളെ ഓറഞ്ച് അലര്‍ട്ടും ആലപ്പുഴ, കോട്ടയം, പത്തനംതിട്ട ജില്ലകളില്‍ നാളെ യെല്ലോ അലര്‍ട്ടും ബാധകമാണ്.

ഒന്നാം വര്‍ഷ ബിരുദ പ്രവേശനം - 2019 എസ്.സി./എസ്.ടി. സീറ്റുകളില്‍ സ്പോട്ട് അലോട്ട്മെന്‍റ് First Year Degree Admission - 2019 SC / ST Spot allotment

ഒന്നാം  വര്‍ഷ ബിരുദ  പ്രവേശനം  -  2019 എസ്.സി./എസ്.ടി.  സീറ്റുകളില്‍  സ്പോട്ട്  അലോട്ട്മെന്‍റ് 

2019-20-ലെ  ഒന്നാം  വര്‍ഷ  ബിരുദ  പ്രവേശനവുമായി  ബന്ധപ്പെട്ട്  ഒഴിവുള്ള  എസ്.സി./എസ്.ടി. സീറ്റുകളിലേയ്ക്ക്  മേഖലാതലത്തില്‍  സ്പോട്ട്  അലോട്ട്മെന്‍റ്  നടത്തുന്നു.  തിരുവനന്തപുരം മേഖലയിലുള്ള  കോളേജുകളില്‍  ഓപ്ഷന്‍  നല്‍കിയിട്ടുള്ള  വിദ്യാര്‍ത്ഥികള്‍  സര്‍വകലാശാല  സെനറ്റ് ഹാളില്‍  ആഗസ്റ്റ്  07  നും  കൊല്ലം  മേഖലയിലുള്ള  കോളേജുകളില്‍  ഓപ്ഷന്‍  നല്‍കിയിട്ടുള്ള വിദ്യാര്‍ത്ഥികള്‍  കൊല്ലം  എസ്.എന്‍  കോളേജില്‍  ആഗസ്റ്റ്  08  നും  ഹാജരാകേണ്ടതാണ്.  അടൂര്‍ മേഖലയിലുള്ള  കോളേജുകളില്‍    ഓപ്ഷന്‍  നല്‍കിയിട്ടുള്ള  വിദ്യാര്‍ത്ഥികള്‍  അടൂര്‍  സെന്‍റ് സിറിള്‍സ്  കോളേജില്‍  ആഗസ്റ്റ്  08  നും  ആലപ്പുഴ  മേഖലയിലുള്ള  കോളേജുകളില്‍    ഓപ്ഷന്‍ നല്‍കിയിട്ടുള്ള  വിദ്യാര്‍ത്ഥികള്‍  ആലപ്പുഴ  എസ്.ഡി.കോളേജില്‍  ആഗസ്റ്റ്  09  നും ഹാജരാകേണ്ടതാണ്. 

 രാവിലെ  9  മണി  മുതല്‍  11  മണി  വരെ  എസ്.സി./എസ്.ടി.  വിദ്യാര്‍ത്ഥികള്‍  ഓണ്‍ലൈന്‍ അപേക്ഷയുടെ  പ്രിന്‍റ്  ഔട്ട്  സഹിതം  ഹാജരായി  റിപ്പോര്‍ട്ട്  ചെയ്യണം.  നിലവില്‍  കോളേജുകളില്‍ പഠിച്ചുകൊണ്ടിരിക്കുന്ന  വിദ്യാര്‍ത്ഥികള്‍  സ്പോട്ട്  അലോട്ട്മെന്‍റില്‍  പ്രവേശനം  ഉറപ്പായാല്‍  മാത്രമേ ടി.സി.വാങ്ങുവാന്‍  പാടുള്ളൂ.  ഇതുവരെ  പ്രവേശനം  ലഭിക്കാതെ  സ്പോട്ട്  അലോട്ട്മെന്‍റില്‍ പങ്കെടുക്കാന്‍  വരുന്ന  വിദ്യാര്‍ത്ഥികളുടെ  കൈവശം  യോഗ്യതയും  ജാതിയും  തെളിയിക്കുന്ന അസ്സല്‍ സര്‍ട്ടിഫിക്കറ്റുകള്‍ ഉണ്ടായിരിക്കണം.  കോളേജും  കോഴ്സും  അലോട്ട്  ചെയ്തു  കഴിഞ്ഞാല്‍ യാതൊരു  കാരണവശാലും  മാറ്റം  അനുവദിക്കുകയില്ല.  രജിസ്ട്രേഷന്‍  സമയം  (രാവിലെ  9  മുതല്‍  11 മണി  വരെ)  കഴിഞ്ഞു  വരുന്നവരെ  ഒരു  കാരണവശാലും  പരിഗണിക്കുന്നതല്ല. 

ഓരോ  മേഖലയിലും ഉള്‍പ്പെടുത്തിയിരിക്കുന്ന  കോളേജുകളുടെ  വിവരം  സര്‍വകലാശാല  വെബ്സൈറ്റിൽ  പ്രസിദ്ധീകരിക്കും.   രജിസ്ട്രേഷന്‍  സമയത്ത്  റിപ്പോര്‍ട്ട്  ചെയ്യുന്ന  വിദ്യാര്‍ത്ഥികളില്‍  നിന്നും  സര്‍വകലാശാല തയ്യാറാക്കുന്ന  റാങ്ക്  പട്ടികയുടെ  അടിസ്ഥാനത്തിലാണ്  പ്രവേശനം  നടക്കുക.  ഓണ്‍ലൈന്‍ രജിസ്ട്രേഷന്‍  ഇല്ലാത്തവരെ  ഓണ്‍ലൈന്‍  അപേക്ഷ  സമര്‍പ്പിച്ചിട്ടുള്ള  എല്ലാവരേയും  പരിഗണിച്ചതിന്  ശേഷം  മാത്രമേ  അലോട്ട്മെന്‍റില്‍  പരിഗണിക്കുകയുള്ളൂ. അലോട്ട്മെന്‍റ്  ലഭിച്ചാല്‍  ഉടന്‍  തന്നെ  ഒടുക്കേണ്ടതായ  പ്രവേശന  ഫീസ്  (940/-  രൂപ)  കൈയില്‍ കരുതേണ്ടതാണ്.  ഓണ്‍ലൈന്‍  രജിസ്ട്രേഷന്‍  ഇല്ലാത്ത  വിദ്യാര്‍ത്ഥികള്‍ക്ക്  അഡ്മിഷന്‍  ലഭിക്കുകയാണെങ്കില്‍  രജിസ്ട്രേഷന്‍  ഫീസായ  220/-  രൂപയും  ഒടുക്കേതാണ്.  ഇതിനായി  കൂടുതല്‍ സമയം  അനുവദിക്കുന്നതല്ല.  നിലവില്‍  കോളേജുകളില്‍  പഠിച്ചുകൊണ്ടിരിക്കുന്ന  വിദ്യാര്‍ത്ഥികള്‍ കോളേജില്‍  നിന്നും  ലഭിച്ച  തിരിച്ചറിയല്‍  കാര്‍ഡ്,  ഓണ്‍ലൈന്‍  അപേക്ഷയുടെ  പ്രിന്‍റൗട്ട്  എന്നിവ നിര്‍ബന്ധമായും  ഹാജരാക്കേണ്ടതാണ്.  പ്രവേശന  ഫീസായ  940/-  രൂപ  മുന്‍പ്  ഒടുക്കിയിട്ടുള്ള വിദ്യാര്‍ത്ഥികള്‍  വീണ്ടും  ഈ  തുക  ഒടുക്കേണ്ടതില്ല.  ആയതിനാല്‍  അവര്‍  ഈ  തുക  ഒടുക്കിയ രസീതിന്‍റെ പകര്‍പ്പ് നിശ്ചയമായും കൈവശം സൂക്ഷിക്കേണ്ടതാണ്. സ്പോട്ട് അലോട്ട്മെന്‍റിനായി സര്‍വകലാശാലയിലേയ്ക്ക് അപേക്ഷകള്‍ ഒന്നും തന്നെ അയയ്ക്കേണ്ടതില്ല.

ഒന്നാം  വര്‍ഷ ബിരുദാനന്തര  ബിരുദ  പ്രവേശനം  2019 പുതിയ  കോഴ്സുകള്‍ക്ക്  അഡ്മിഷന്‍  കേരള  സര്‍വകലാശാല  സെനറ്റ്  ഹാളില്‍ 05.08.2019  -  ന് 

സര്‍വകലാശാലയോട്  അഫിലിയേറ്റ്  ചെയ്തിട്ടുള്ള  സ്വാശ്രയ  കോളേജായ  മാര്‍  ഗ്രിഗോറിയസ് കോളേജ്  ഓഫ്  ആര്‍ട്സ്  ആന്‍റ്  സയന്‍സ്,  പുന്നപ്ര,  ആലപ്പുഴ  -  എം.കോം.  20  സീറ്റും  എയ്ഡഡ് കോളേജായ  എം.എസ്.എം  കോളേജ്,  കായംകുളം  -  എം.എ.  മലയാളം  20  സീറ്റും  അനുവദിച്ചിരിക്കുന്നു.  മേല്‍  പറഞ്ഞ  കോഴ്സുകളുടെ  മെറിറ്റ്  സീറ്റുകളിലേയ്ക്ക്  സര്‍വകലാശാല  സെനറ്റ്  ഹാളില്‍ വച്ച്  05.08.2019  -  ന്  അഡ്മിഷന്‍  നടത്തുന്നു.

   05.08.2019  -  ന്  രാവിലെ  11  മണി  വരെ  ഹാജരാകുന്നവരില്‍  നിന്നും  റാങ്ക്  ലിസ്റ്റ്  തയ്യാറാക്കി  പ്രവേശനം  നടത്തുന്നതാണ്.  വിദ്യാര്‍ത്ഥികള്‍  അസ്സല്‍  സര്‍ട്ടിഫിക്കറ്റ്,  ഫീസ്,  നിലവില്‍  ഓണ്‍ലൈന്‍  രജിസ്ട്രേഷന്‍  ഉള്ളവര്‍  അതിന്‍റെ  ഏറ്റവും  പുതിയ  പ്രിന്‍റൗട്ട് എന്നിവ  കൊണ്ട്  വരേണ്ടതാണ്.  എസ്.സി/എസ്.ടി,  മറ്റു  സംവരണ  സീറ്റുകളില്‍  പരിഗണിക്കപ്പെടുവാന്‍  ആഗ്രഹിക്കുന്നവര്‍  ജാതി  തെളിയിക്കുന്ന  അസ്സല്‍  സര്‍ട്ടിഫിക്കറ്റുകള്‍  ഹാജരാക്കേണ്ടതാണ്. സര്‍ട്ടിഫിക്കറ്റുകള്‍  ഹാജരാക്കാന്‍  സമയം  അനുവദിക്കുന്നതല്ല.

എം.എസ്.എം  കോളേജ്,  കായംകുളം  -  എം.എ.  മലയാളം  കമ്മ്യൂണിറ്റി  ക്വാട്ട  സീറ്റുകളിലേക്കും അന്നേ  ദിവസം  പ്രവേശനം  നടത്തുന്നതാണ്.  നിലവില്‍  രജിസ്ട്രേഷന്‍  ഇല്ലാത്തവര്‍  അഡ്മിഷന് വരുമ്പോള്‍  (https://admissions.keralauniversity.ac.in/pg2019/ )  എന്ന  വെബ്സൈറ്റിലെ  മാനേജ്മെന്‍റ് ക്വാട്ട         രജിസ്ട്രേഷന്‍  പൂര്‍ത്തിയാക്കി  ഓണ്‍ലൈന്‍  പ്രിന്‍റൗട്ട്  കൊണ്ട് വരേണ്ടതാണ്.
അലോട്ട്മെന്‍റ്  ലഭിച്ചാല്‍  ഉടന്‍  തന്നെ  ഒടുക്കേണ്ടതായ  പ്രവേശന  ഫീസ്  (ജനറല്‍/            എസ്.ഇ.ബി.സി.  വിഭാഗങ്ങള്‍ക്ക്  1040/-  രൂപയും  എസ്.സി./  എസ്.ടി.  വിഭാഗങ്ങള്‍ക്ക്  310/-  രൂപയും) കൈയില്‍  കരുതേണ്ടതാണ്.  ഇതിനായി  കൂടുതല്‍  സമയം  അനുവദിക്കുന്നതല്ല.  പ്രവേശന  ഫീസ് മുന്‍പ്  ഒടുക്കിയിട്ടുള്ള  വിദ്യാര്‍ത്ഥികള്‍  ഈ  തുക  വീണ്ടും  ഒടുക്കേണ്ടതില്ല.  ആയതിനാല്‍  അവര്‍ ഈ തുക ഒടുക്കിയ രസീതിന്‍റെ പകര്‍പ്പ് നിശ്ചയമായും  കൈവശം സൂക്ഷിക്കേണ്ടതാണ്.

Plus One: Admission to Merit Quota Vacancy seats പ്ലസ് വൺ: മെരിറ്റ് ക്വാട്ട വേക്കൻസി സീറ്റുകളിലെ പ്രവേശനം

വിവിധ അലോട്ട്‌മെന്റുകളിൽ അപേക്ഷിച്ചിട്ടും നാളിതുവരെ അലോട്ട്‌മെന്റ് ലഭിക്കാത്ത വിദ്യാർഥികൾക്ക് പ്രസിദ്ധപ്പെടുത്തിയ വേക്കൻസിയിൽ പ്രവേശനം നേടുന്നതിനായി ആഗസ്റ്റ് അഞ്ച്, ആറ് തീയതികളിൽ അപേക്ഷ സമർപ്പിക്കാം.

നിലവിൽ പ്രവേശനം നേടിക്കഴിഞ്ഞ വിദ്യാർഥികൾക്ക് അപേക്ഷിക്കുവാൻ സാധിക്കുകയില്ല. നിലവിലുള്ള വേക്കൻസി അഡ്മിഷൻ വെബ്‌സൈറ്റായ www.hscap.kerala.gov.in -ൽ ആഗസ്റ്റ് മൂന്നിന് പ്രസിദ്ധീകരിക്കും. പ്രവേശനം നേടാൻ ആഗ്രഹിക്കുന്നവർ നിശ്ചിത മാതൃകയിലുള്ള അപേക്ഷ വേക്കൻസിയുള്ള സ്‌കൂൾ പ്രിൻസിപ്പലിന്/നേരത്തെ അപേക്ഷ സമർപ്പിച്ച സ്‌കൂൾ പ്രിൻസിപ്പലിന് ആഗസ്റ്റ് ആറിന് വൈകിട്ട് നാലിനുള്ളിൽ സമർപ്പിക്കണം.

സമർപ്പിക്കപ്പെടുന്ന അപേക്ഷകൾ സ്‌കൂളുകളിൽ നിന്നും ഓൺലൈനായി എൻട്രി ചെയ്യും. ഒരു വിദ്യാർഥി ഒരു അപേക്ഷ മാത്രമെ സമർപ്പിക്കേണ്ടതുള്ളു. പ്രസിദ്ധപ്പെടുത്തിയ വേക്കൻസികൾക്കനുസൃതമായി എത്ര സ്‌കൂൾ/കോഴ്‌സുകൾ വേണമെങ്കിലും ഓപ്ഷനായി ഉൾപ്പെടുത്താം. മാതൃകാഫോം വെബ്‌സൈറ്റിൽ ലഭ്യമാണ്.

അപേക്ഷകൾ കേന്ദ്രീകൃതമായി പരിഗണിച്ച് മെരിറ്റ് അടിസ്ഥാനത്തിൽ റാങ്ക് ലിസ്റ്റ് തയ്യാറാക്കി അഡ്മിഷൻ വെബ്‌സൈറ്റിൽ ആഗസ്റ്റ് ഏഴിന് രാവിലെ ഒൻപതിന് പ്രസിദ്ധീകരിക്കും.

അപേക്ഷകർ രക്ഷകർത്താക്കളോടൊപ്പം പ്രവേശനം നേടാൻ ആഗ്രഹിക്കുന്ന സ്‌കൂളിൽ ആഗസ്റ്റ് ഏഴിന് രാവിലെ 10 മുതൽ 12 ന് മുമ്പായി യോഗ്യതാ സർട്ടിഫിക്കറ്റ്, വിടുതൽ സർട്ടിഫിക്കറ്റ്, സ്വഭാവ സർട്ടിഫിക്കറ്റ്, അപേക്ഷയിൽ ബോണസ് പോയിന്റ് ലഭിക്കുന്നതിന് വിവരങ്ങൾ ഉൾപ്പെടുത്തിയിട്ടുണ്ടെങ്കിൽ അവയുടെ അസ്സൽ രേഖകളും ഫീസുമായി പ്രവേശനത്തിനായി റിപ്പോർട്ട് ചെയ്യണം. പ്രിൻസിപ്പൽമാർ ആഗസ്റ്റ് ഏഴിന് ഉച്ചയ്ക്ക് ഒന്നിനുള്ളിൽ പ്രവേശനം പൂർത്തിയാക്കണമെന്നും ഹയർസെക്കൻഡറി ജോയിന്റ് ഡയറക്ടർ അറിയിച്ചു.

The first quarterly examination will begin on August 26 and end on September 5.ഒന്നാം പാദ വാർഷിക പരീക്ഷ ആഗസ്ത് 26 ന് ആരംഭിച്ച് സെപ്തംബർ 5ന് അവസാനിക്കും.

ഒന്നാം പാദ വാർഷിക പരീക്ഷ ആഗസ്ത് 26 ന് ആരംഭിച്ച് സെപ്തംബർ 5ന് അവസാനിക്കും. 

ഒരു ദിവസം ഒരു പരീക്ഷ മാത്രം.

 Lp ക്ലാസുകൾക്ക് ആഗസ്റ്റ് 31 നാണ് ആരംഭിക്കുന്നത്.

1,2,3,4 ക്ലാസ്സുകളിലെ പരീക്ഷകൾ രാവിലെ നടത്തും. മൂല്യനിർണ്ണയ പ്രവർത്തനങ്ങൾ തീരുന്ന മുറയ്ക്ക് വിദ്യാർത്ഥികളെ സ്കൂളിൽ നിന്ന് വിടാവുന്നതാണ്.

5,6,7,8 ക്ലാസ്സുകളിലെ പരീക്ഷ ഉച്ചക്ക് ശേഷവും
9,10,11,12 ക്ലാസ്സുകളിലെ പരീക്ഷ രാവിലെയുമായിരിക്കും നടക്കുക.

30 വെള്ളി പരീക്ഷ ഇല്ല.

31 ശനി പരീക്ഷയുണ്ട്.