കൊച്ചിൻ ഷിപ്‌യാഡിൽ ഗ്രാജുവേറ്റ്, ടെക്നീഷ്യൻ അപ്രന്റിസ് അവസരം Graduate and Technician Apprentice at Cochin Shipyard

NOTIFICATION FOR ENGAGEMENT OF GRADUATE/TECHNICIAN (DIPLOMA) 

APPRENTICES

കൊച്ചിൻ ഷിപ്‌യാഡിൽ വിവിധ ട്രേഡുകളിൽ ഗ്രാജുവേറ്റ്, ടെക്നീഷ്യൻ  അപ്രന്റിസ് അവസരം. 139 ഒഴിവുകളാണുള്ളത്. ഒരു വർഷമാണ് പരിശീലനം. സെപ്റ്റംബർ 8 വരെ ഓൺലൈനായി അപേക്ഷിക്കാം. 

https://portal.mhrdnats.gov.in/boat/commonRedirect/registermenunew!registermenunew.action

 ഗ്രാജുവേറ്റ് അപ്രന്റിസ്

67 ഒഴിവ്. ഇലക്ട്രിക്കൽ എൻജിനീയറിങ്, മെക്കാനിക്കൽ എൻജിനീയറിങ്, ഇലക്ട്രോണിക്സ് എൻജിനീയറിങ്, സിവിൽ എൻജിനീയറിങ്, കംപ്യൂട്ടർ സയൻസ്/ കംപ്യൂട്ടർ ആപ്ലിക്കേഷന്‍/ കംപ്യൂട്ടർ എൻജിനീയറിങ്/ ഇൻഫർമേഷൻ ടെക്നോളജി, സേഫ്റ്റി എൻജിനീയറിങ്, മറൈൻ എൻജിനീയറിങ്, നേവൽ ആർക്കിടെക്ചർ ആൻഡ് ഷിപ്പ് ബിൽഡിങ്: ബന്ധപ്പെട്ട വിഭാഗത്തിൽ എൻജിനീയറിങ്/ ടെക്നോളജി ബിരുദം, 

പ്രതിമാസ സ്റ്റൈപ്പന്റ് 12,000 രൂപ. 

ടെക്നീഷ്യൻ (ഡിപ്ലോമ) അപ്രന്റിസ്

 72 ഒഴിവ്. ഇലക്ട്രിക്കൽ എൻജിനീയറിങ്, മെക്കാനിക്കൽ എൻജിനീയറിങ്, ഇലക്ട്രോണിക്സ് എൻജിനീയറിങ്, ഇൻസ്ട്രുമെന്റേഷൻ എൻജിനീയറിങ്, സിവിൽ എൻജിനീയറിങ്, കംപ്യൂട്ടർ എൻജിനീയറിങ്, കൊമേഴ്സ്യൽ പ്രാക്ടീസ്: ബന്ധപ്പെട്ട വിഭാഗത്തിൽ എൻജിനീയറിങ്/ ടെക്നോളജി ഡിപ്ലോമ.

 പ്രതിമാസ സ്റ്റൈപ്പന്റ് 10,200രൂപ.

പ്ലസ് വൺ ഒന്നാം ഘട്ടം അവസാനിച്ചു, രണ്ടാം ഘട്ടം ഒക്ടോബർ 3 മുതൽ 6 വരെ The first phase of Plus One is over

 

പ്രധാന തീയതികൾ

ട്രയൽ അലോട്ട്മെന്റ് തീയതി : 05/09/2020 

ആദ്യ അലോട്ട്മെന്റ് തീയതി : 14/09/2020 

സ്പോർട്സ് ക്വാട്ട അപേക്ഷ അവസാന തീയതി : 27/08/2020

പ്ലസ് വൺ പ്രവേശനത്തിനുളള അപേക്ഷ സമർപ്പണം ഒന്നാം ഘട്ടം അവസാനിച്ചു. രണ്ടാം ഘട്ടം അപേക്ഷാ സമർപ്പണം മുഖ്യ അലോട്ട്‌മെന്റിന് ശേഷം ഒക്ടോബർ മൂന്നിന് ആരംഭിച്ച് 6 വരെ തുടരും. 

അപേക്ഷാ സമർപ്പണം ആദ്യഘട്ടം അവസാനിച്ചുവെങ്കിലും കാൻഡിഡേറ്റ് ലോഗിൻ ചെയ്ത് പാസ്‌വേർഡ് സൃഷ്ടിക്കാൻ സെപ്തംബർ നാലിന് 5 മണി വരെ സമയം അനുവദിച്ചിട്ടുണ്ട്. മൊബൈൽ നമ്പർ തെറ്റായി നൽകിയവരും നൽകിയ നമ്പർ മാറിയവരും സെപ്തംബർ നാലിന് മുമ്പ് എസ്.എസ്.എൽ.സി രജിസ്റ്റർ നമ്പർ, ശരിയായ മൊബൈൽ നമ്പർ, ആധാർ കോപ്പി, എന്നിവ ictcelldhse@gmail.com എന്ന മെയിലിലേക്ക് അയക്കേണ്ടതാണ്.

അപേക്ഷ പരിശോധന, ട്രയൽ അലോട്ട്‌മെന്റ് പരിശോധന, ഓപ്ഷൻ മാറ്റൽ, അലോട്ട് സ്ലിപ്പ് എടുക്കൽ, രേഖകൾ അഡ്മിഷൻ കിട്ടിയ സ്‌കൂളിലേക്ക് അയയ്ക്കൽ, ഫീസ് അടക്കൽ എന്നിവയ്ക്ക് ക്യാൻഡിഡേറ്റ് ലോഗിൻ അത്യാവശ്യമാണ്.

ബിരുദ പ്രവേശനം 2020 - സെന്‍റ്.മേരീസ് കോളേജ്, മുളവനയെ ഓണ്‍ലൈന്‍ പോര്‍ട്ടലില്‍ ഉള്‍പ്പെടുത്തിയിരിക്കുന്നു Degree Admission - St. Mary's College, Mulavana is included in the online portal

 പത്രക്കുറിപ്പ് 26/08/2020

കേരള  സര്‍വകലാശാലയോട്  അഫിലിയേറ്റ്  ചെയ്തിട്ടുളള  സെന്‍റ്.മേരീസ്  കോളേജിനെ  (മുളവന,  കൊല്ലം)  ഓണ്‍ലൈന്‍  അഡ്മിഷന്‍  പോര്‍ട്ടലില്‍  ഉള്‍പ്പെടുത്തിയിരിക്കുന്നു.    ബി.എ  ഇംഗ്ലീഷ്,  ബി.കോം  ഫിനാന്‍സ്  എന്നീ  കോഴ്സുകളിലേക്ക്  താല്‍പര്യമുളള  വിദ്യാര്‍ത്ഥികള്‍ക്ക്  ഓണ്‍ലൈനായി  അപേക്ഷ  സമര്‍പ്പിക്കാവുന്നതാണ്.    നിലവില്‍ അപേക്ഷ  സമര്‍പ്പിച്ച  വിദ്യാര്‍ത്ഥികള്‍ക്കും  തങ്ങളുടെ  അപേക്ഷയില്‍  ഈ  കോളേജും കോഴ്സുകളും  ചേര്‍ക്കാവുന്നതാണ്.    അപേക്ഷയില്‍  മാറ്റം  വരുത്തുന്ന  വിദ്യാര്‍ത്ഥികള്‍ മാറ്റം  വരുത്തിയ  അപേക്ഷയുടെ  പുതിയ  പ്രിന്‍റൗട്ട്  എടുത്ത്  തുടര്‍  ആവശ്യങ്ങള്‍ക്കായി സൂക്ഷിക്കേണ്ടതാണ്.    അപേക്ഷ  സമര്‍പ്പിക്കേണ്ട  അവസാന  തീയതി  സെപ്റ്റംബര്‍  9.  

 അപേക്ഷകള്‍  ഒന്നും  തന്നെ  സര്‍വകലാശാലയിലേക്ക്  അയയ്ക്കരുത്.    വിശദവിവരങ്ങള്‍ വെബ്സൈറ്റില്‍.

ഹയർസെക്കൻഡറി, എസ്.എസ്.എൽ.സി സേ/ഇംപ്രൂവ്‌മെന്റ് പരീക്ഷ സെപ്റ്റംബർ 22 മുതൽ Higher Secondary, SSLC SAY / Improvement Examination from 22nd September

 ഹയർ സെക്കൻഡറി/വൊക്കേഷണൽ ഹയർസെക്കൻഡറി/ടെക്‌നിക്കൽ ഹയർ സെക്കൻഡറി/ആർട്ട് ഹയർ സെക്കൻഡറി സേ/ഇംപ്രൂവ്‌മെന്റ് പരീക്ഷകൾ സെപ്തംബർ 22ന് ആരംഭിക്കും. ഹയർസെക്കൻഡറി വിഭാഗം പരീക്ഷകളുടെ വിജ്ഞാപനം www.dhsekerala.gov.in ൽ പ്രസിദ്ധീകരിച്ചു. വൊക്കേഷണൽ ഹയർ സെക്കൻഡറി വിഭാഗം കുട്ടികൾക്ക് അവരുടെ സ്‌കൂളുകളുമായി ബന്ധപ്പെട്ട് അപേക്ഷിക്കാം.

എസ്.എസ്.എൽ.സി/ടി.എച്ച്.എസ്.എൽ.സി/എ.എച്ച്.എസ്.എൽ.സി/എസ്.എസ്.എൽ.സി (ഹിയറിംഗ് ഇംപയേർഡ്)/ടി.എച്ച്.എസ്.എൽ.സി(ഹിയറിംഗ് ഇംപയേർഡ്) സേ പരീക്ഷകളും സെപ്റ്റംബർ 22ന് ആരംഭിക്കും. ഇതിന്റെ വിജ്ഞാപനം www.keralapareekshabhavan.in  ൽ പ്രസിദ്ധീകരിക്കും. കോവിഡ് 19-ന്റെ പശ്ചാത്തലത്തിൽ മെയ് 26 മുതൽ നടന്ന പരീക്ഷകൾ എഴുതാൻ കഴിയാതിരുന്ന കുട്ടികൾക്ക് അവസരം നഷ്ടപ്പെട്ട വിഷയങ്ങൾക്ക് രജിസ്റ്റർ ചെയ്യാം. ഇത്തരം വിദ്യാർത്ഥികളെ റഗുലർ കാൻഡിഡേറ്റ് വിഭാഗത്തിൽ ഉൾപ്പെടുത്തി പരീക്ഷാഫലം പ്രസിദ്ധീകരിക്കും.

ഡി.എൽ.എഡ്. പരീക്ഷ സെപ്റ്റംബർ മൂന്നാംവാരം നടത്തും. പരീക്ഷയുടെ വിശദമായ ടൈംടേബിൾ പ്രസിദ്ധീകരിക്കും. കോവിഡ് 19 വ്യാപനം വിലയിരുത്തിയ ശേഷം പരീക്ഷാ തിയതിയിൽ ആവശ്യമെങ്കിൽ മാറ്റം വരുത്തും.

പ്ലസ് വൺ പ്രവേശനം: അപേക്ഷ തീയതി ആഗസ്റ്റ് 25 വരെ നീട്ടി Plus One Admission: Application date extended to August 25

 

പ്ലസ് വൺ ഏകജാലകം അപേക്ഷ സമർപ്പിക്കുന്നതിനും കാൻഡിഡേറ്റ് ലോഗിൻ ചെയ്ത് പാസ് വേർഡ് കരസ്ഥമാക്കുന്നതിനുമുള്ള അപേക്ഷ തീയതി ആഗസ്റ്റ് 25 വരെ നീട്ടി. നിശ്ചിത തീയതിക്കുള്ളിൽ അപേക്ഷ സമർപ്പിച്ച എല്ലാവരും കാൻഡിഡേറ്റ് ലോഗിൻ സൃഷ്ടിക്കണം. അല്ലാത്തവർ തുടർന്നുള്ള പ്രവേശന നടപടികളിൽ നിന്ന് പുറത്താക്കപ്പെടും. 

 മൊബെൽ നമ്പർ തെറ്റായി നൽകിയവർ ഐസിടി സെല്ലിലേക്ക് മെയിൽ ചെയ്ത് നമ്പർ ശരിയാക്കിയതിന് ശേഷം കാൻഡിഡേറ്റ് ലോഗിൻ സൃഷ്ടിക്കേണ്ടതാണ്. 

 സി ബി എസ് ഇ, ഐസിഎസ്ഇ, മറ്റു സ്ട്രീമിൽ നിന്ന് അപേക്ഷിച്ചവർ തങ്ങളുടെ സ്‌കോർ റേഷ്യോ അനുസരിച്ച് മാറ്റം വരുത്തിയത് ഉറപ്പാക്കാവുന്നതാണ്.

പ്ലസ് വൺ ഏകജാലകം: പുതിയ മാർഗനിർദേശങ്ങൾ Plus One Admission: New Guidelines

 

പ്ലസ് വൺ ഏകജാലക പ്രവേശന നടപടികൾ ആഗസ്റ്റ് 20 വരെ നീട്ടിയ സാഹചര്യത്തിൽ പുതിയ മാർഗ നിർദേശങ്ങളുമായി വിദ്യാഭ്യാസ വകുപ്പ്. ഇത് പ്രകാരം പ്ലസ് വൺ അപേക്ഷ സമർപ്പിച്ച എല്ലാ കുട്ടികളും ക്യാൻഡിഡേറ്റ് ലോഗിൻ ഉണ്ടാക്കണം. ഓട്ടോമാറ്റിക് ഒ ടി പിക്കായി കുട്ടികൾ കാത്തു നിൽക്കേണ്ടതില്ല. പകരം ക്രിയേറ്റ് ക്യാൻഡിഡേറ്റ് ലോഗിനിലൂടെ ജനറേറ്റ് ഒ ടി പി എന്ന് കൊടുത്ത് കിട്ടുന്ന ഒ ടി പി ആദ്യം നൽകിയിട്ടുള്ള മൊബൈൽ നമ്പറിലേക്ക് വരും. ഇത് സബ്മിറ്റ് ചെയ്ത് പുതിയ പാസ് വേഡ് ഉണ്ടാക്കണം. അപ്ഡേറ്റ് ചെയ്യുമ്പോൾ ക്യാൻഡിഡേറ്റ് ലോഗിൻ ക്രിയേഷൻ പൂർത്തികരിക്കും. ഈ പാസ്‌വേഡും യൂസർനെയിമായി അപേക്ഷാനമ്പറും ഉപയോഗിച്ച് ക്രിയേറ്റ് ക്യാൻഡിഡേറ്റ് വഴി ലോഗിൻ ചെയ്യേണ്ടതുണ്ട്.

ക്യാൻഡിഡേറ്റ് ലോഗിനിലെ ഏഴ് ലിങ്കുകളെക്കുറിച്ച് വിദ്യാർത്ഥികൾക്ക് ധാരണയുണ്ടാവണം. അപ്ലൈ ഓൺലൈൻ എസ് ഡബ്ല്യു എസ് (Apply Online SWS) എന്ന ലിങ്കിൽ അവസാനഘട്ട ഉറപ്പ് വരുത്തിയവർക്ക് മാത്രമാണ് ക്യാൻഡിഡേറ്റ് ലോഗിൻ ഉണ്ടാക്കാൻ കഴിയൂ. നേരത്തേ അന്തിമമായി സമർപ്പിച്ച അപേക്ഷാവിവരങ്ങളിൽ എന്തെങ്കിലും തരത്തിലുള്ള തിരുത്തലുകൾ ആവശ്യമുണ്ടെങ്കിൽ ഈ ലോഗിനിലൂടെ എഡിറ്റ് ചെയ്യാൻ സാധിക്കും. ഒരിക്കൽ മാത്രമേ എഡിറ്റിംഗ് സാധ്യമാകൂ. തിരുത്തലുകൾ വരുത്തിയാൽ വീണ്ടും അന്തിമ കൺഫർമേഷൻ നടത്താൻ മറക്കരുത്. ഇതിനായി കുട്ടികൾ അതത് സ്‌കൂളുകളിൽ ഏർപ്പെടുത്തിയിരിക്കുന്ന ഹെൽപ്പ് ഡെസ്‌ക്കുകളുടെ സേവനം പ്രയോജനപ്പെടുത്തണമെന്ന് ഹയർ സെക്കൻഡറി ജില്ല അക്കാദമിക് കോർഡിനേറ്റർ വി എം.കരീം അറിയിച്ചു.

ഒന്നാം വര്‍ഷ ബിരുദ പ്രവേശനം 2020 ട്രയല്‍ അലോട്ട്മെന്‍റ് പ്രസിദ്ധീകരിച്ചു. First Year UG Admission 2020 Trial Allotment Published.

 

പത്രക്കുറിപ്പ് 12/08/2020

കേരള സര്‍വകലാശാലയുടെ 2020-21 അദ്ധ്യയന വര്‍ഷത്തിലെ ബിരുദ കോഴ്സുകളിലേക്ക് പ്രവേശനത്തിനുളള ട്രയല്‍ അലോട്ട്മെന്‍റ് (http://admissions.keralauniversity.ac.in) വെബ്സൈറ്റില്‍ പ്രസിദ്ധപ്പെടുത്തി.

ട്രയല്‍ അലോട്ട്മെന്‍റ് പരിശോധിച്ചതിനു ശേഷം വിദ്യാര്‍ത്ഥികള്‍ക്ക് ഓപ്ഷനുകള്‍ ചേര്‍ക്കുന്നതിനും പുനഃക്രമീകരിക്കുന്നതിനും ആഗസ്റ്റ് 17 -ാം തീയതി 3 മണി വരെ സമയം ഉണ്ടായിരിക്കും.‍ മാറ്റങ്ങൾ വരുത്തുന്നവര്‍ പുതിയ പ്രിന്‍റൗട്ടെടുത്ത് തുടര്‍ ആവശ്യങ്ങള്‍ക്കായി സൂക്ഷിക്കണം.

ട്രയല്‍ അലോട്ട്മെന്‍റ് കഴിഞ്ഞ് വിദ്യാര്‍ത്ഥികള്‍ ഓപ്ഷനുകളില്‍ മാറ്റങ്ങള്‍ വരുത്തുന്നതിനാല്‍ ട്രയല്‍ അലോട്ട്മെന്‍റില്‍ ലഭിച്ച കോളേജുകള്‍ക്കും കോഴ്സുകള്‍ക്കും മാറ്റങ്ങള്‍ വരുവാന്‍ സാധ്യതയുണ്ട്. 

ഓണ്‍ലൈന്‍ അപേക്ഷയുടെ അവസാന തീയതി ആഗസ്റ്റ് 17 വൈകിട്ട് 5 മണി വരെ. ഓണ്‍ലൈന്‍ അപേക്ഷയുടെ പ്രിന്‍റൗട്ട് സര്‍വകലാശാലയിലേക്ക് അയയ്ക്കരുത്.

പോളിടെക്‌നിക് ലാറ്ററൽ എൻട്രി പ്രവേശനം: ആഗസ്റ്റ് 6 മുതൽ അപേക്ഷിക്കാം Polytechnic Lateral Entry: Applications can be submitted from August 6

സംസ്ഥാനത്തെ പോളിടെക്‌നിക് കോളേജുകളിലേക്ക് ലാറ്ററൽ എൻട്രി വഴി രണ്ടാംവർഷ ഡിപ്ലോമ പ്രവേശനത്തിന് അപേക്ഷ ക്ഷണിച്ചു. പ്ലസ് ടു/വി.എച്ച്.എസ്.ഇ/ കെ.ജി.സി.ഇ പാസായവർക്ക് അപേക്ഷിക്കാം.

ഫിസിക്‌സ്, കെമിസ്ട്രി, മാത്തമാറ്റിക്‌സ്, ഇംഗ്ലീഷ് എന്നിവ വിഷയങ്ങളായി പഠിച്ച് പ്ലസ് ടു പാസ്സായവർക്ക് ഫിസിക്‌സ്, കെമിസ്ട്രി, മാത്തമാറ്റിക്‌സ് വിഷയങ്ങളിൽ ഒരുമിച്ചു 50 ശതമാനം മാർക്ക് ലഭിച്ചിട്ടുണ്ടെങ്കിൽ അപേക്ഷിക്കാം. ഈ വിഷയങ്ങൾ പഠിച്ച വി.എച്ച്.എസ്.ഇകാർക്കും പ്ലസ്ടുവിന് തുല്യതയുണ്ടെങ്കിൽ അപേക്ഷിക്കാം.

എ.ഐ.സി.റ്റി.ഇ മാനദണ്ഡ പ്രകാരം ഈ വർഷം മുതൽ രണ്ടുവർഷ ഐ.റ്റി.ഐ/കെ.ജി.സി.ഇ കോഴ്‌സുകൾ പാസായവർക്ക് തങ്ങളുടെ നൈപുണ്യ സർട്ടിഫിക്കറ്റുമായി ബന്ധപ്പെട്ട ഡിപ്ലോമ പ്രോഗ്രാമിലേക്ക് ലാറ്ററൽ എൻട്രി വഴി നേരിട്ട് രണ്ടാം വർഷത്തിലേക്ക് പ്രവേശനം ലഭിക്കും. ഇവർക്ക് ഒന്നാം വർഷ ഡിപ്ലോമ പ്രവേശനത്തിന് നീക്കി വച്ച മുഴുവൻ സീറ്റുകളും ഈ വർഷം മുതൽ ലാറ്ററൽ എൻട്രി വഴി രണ്ടാം വർഷത്തിലേക്ക് നേരിട്ട് പൂർത്തിയാക്കാം. കഴിഞ്ഞ വർഷംവരെ ഐ.റ്റി.ഐ/കെ.ജി.സി.ഇ കോഴ്‌സുകൾ പഠിച്ചവർക്ക് മൂന്ന് വർഷം കൊണ്ട് ഡിപ്ലോമ സർട്ടിഫിക്കറ്റ് ലഭിച്ചിരുന്നു.

പോളിടെക്‌നിക് കോളേജുകളിൽ പഠിച്ചുകൊണ്ടിരിക്കുന്നവർക്കോ മുൻപ് പഠിച്ചവർക്കോ അപേക്ഷിക്കാനാവില്ല. ലാറ്ററൽ എൻട്രി വഴി പ്രവേശനം നേടുന്നവർ പ്രോസ്‌പെക്ടസിൽ പ്രതിപാദിച്ചിട്ടുള്ള ഒന്നാംവർഷത്തിന്റെ ക്രെഡിറ്റ് ലഭ്യമാക്കുന്നതിനായി നിശ്ചയിച്ചിട്ടുള്ള അധിക വിഷയങ്ങൾ നിശ്ചിത സമയത്തിനകം പാസ്സാകണം. 300 രൂപയാണ് അപേക്ഷാ ഫീസ് (എസ്.സി/എസ്.ടി വിഭാഗക്കാർക്ക് 150 രൂപ). അപേക്ഷ www.polyadmission.org/let ൽ ഓൺലൈനായി ഇന്ന് (ആഗസ്റ്റ് 6) മുതൽ 17വരെ നൽകാം. അപേക്ഷയോടൊപ്പം അപേക്ഷാഫീസും ഓൺലൈനായി അടയ്ക്കണം.

മാർക്കിന്റെ അടസ്ഥാനത്തിലാണ് റാങ്കുകൾ തയ്യാറാക്കുന്നത്. റാങ്കുകളുടെ അടിസ്ഥാനത്തിൽ സ്‌പോട്ട് അഡ്മിഷൻ വഴിയായിരിക്കും പ്രവേശനം. അർഹതയുള്ളവർക്ക് ജാതി സംവരണവും ലഭിക്കും. 22ന് റാങ്ക് ലിസ്റ്റ് പ്രസിദ്ധീകരിക്കും. റാങ്ക് ലിസ്റ്റിന്റെ അടിസ്ഥാനത്തിൽ 27നുള്ളിൽ പ്രവേശനം നടത്തും.

കോവിഡ്-19 ന്റെ പശ്ചാത്തലത്തിൽ സർക്കാർ മാനദണ്ഡങ്ങൾ പാലിച്ചാണ് പ്രവേശനം നടത്തുക.

യു.ജി പ്രവേശനം എയ്ഡഡ് കോളേജുകളില്‍ കമ്മ്യൂണിറ്റി ക്വാട്ട സീറ്റുകളിലേക്ക് അപേക്ഷിക്കാനുളള അവസാന തീയതി ആഗസ്റ്റ് 17 Last date to apply for UG Admission Community Quota Seats in Aided Colleges is August 17

പത്രക്കുറിപ്പ് 04/08/2020

എയ്ഡഡ് കോളേജുകളിലെ കമ്മ്യൂണിറ്റി ക്വാട്ട സീറ്റുകളിലേക്ക് ബന്ധപ്പെട്ട വിഭാഗത്തിലെ വിദ്യാര്‍ത്ഥികള്‍ക്ക് ഓണ്‍ലൈനായി ആഗസ്റ്റ് 17 വരെ അപേക്ഷിക്കാം. കേന്ദ്രീകൃത അലോട്ട്മെന്‍റിനായി ഓണ്‍ലൈന്‍ അപേക്ഷ പൂര്‍ത്തിയാക്കിയവർക്ക് വീണ്ടും‍ ലോഗിന് ചെയ്ത ശേഷം പ്രൊഫൈലിലെ 'കമ്മ്യൂണിറ്റി ക്വാട്ട' ലിങ്ക് ഉപയോഗിച്ച് താല്‍പര്യമുളള വിഷയങ്ങള്‍/കോളേജുകള്‍ പ്രത്യേക ഓപ്ഷനായി നൽകാവുന്നതാണ്. വിദ്യാർത്ഥിയുടെ കമ്മ്യൂണിറ്റി അടിസ്ഥാനത്തിൽ അവർക്ക് അപേക്ഷിക്കാൻ കഴിയുന്ന കോളേജുകൾ മാത്രമേ ഇവിടെ കാണിക്കുകയുളളൂ.  ഓപ്ഷനുകള്‍ നല്‍കിയതിനുശേഷം സേവ് ചെയ്ത് അതിന്‍റെ പ്രിന്‍റൗട്ടെടുത്ത് തുടര്‍ ആവശ്യങ്ങള്‍ക്കായി സൂക്ഷിക്കുക.  പ്രിന്‍റൗട്ടിന്‍റെ പകര്‍പ്പ് കോളേജിലോ സര്‍വകലാശാലയിലോ അയയ്ക്കരുത്.  അഡ്മിഷന്‍ സമയത്ത് കോളേജില്‍ ഹാജരാക്കേതാണ്

ബിരുദ പ്രവേശനം- സ്പോർട്സ് ക്വാട്ട Degree Admission- Sports Quota

പത്രക്കുറിപ്പ് 30/07/2020

കേരള സർവകലാശാലയോട് അഫിലിയേറ്റ് ചെയ്തിട്ടുളള ആർട്സ് ആന്റ് സയൻസ്   കാേളജുകളിലെ ബിരുദ കോഴ്സുകളിലേക്കുളള സ്പോർട്സ് ക്വാട്ട പ്രവേശനത്തിന് അപേക്ഷിച്ചിട്ടുള്ള വിദ്യാർത്ഥികൾ അവരുടെ പ്രൊഫൈലിൽ ലഭ്യമായിട്ടുള്ള സ്പോർട്സ് ക്വാട്ട പ്രൊഫോമ തങ്ങൾ ഓപ്ഷൻ  നൽകിയ കാേളജുകളിൽ നേരിട്ടോ ഇ-മെയിൽ  മുഖാന്തിരമോ  ഓൺലൈൻ  രജിസ്ട്രേഷൻ  പൂർത്തിയാകുന്ന തീയതിക്ക്  മുൻപായി  സമർപ്പിക്കേണ്ടതാണ്.  കാേളജുകളുടെ  മെയിൽ ഐഡി  അഡ്മിഷൻ  വെബ്സൈറ്റിൽ  നൽകിയിട്ടുണ്ട്. ഇപ്രകാരം സർട്ടിഫിക്കറ്റുകൾ  അപ്‌ലോഡ്  ചെയ്യുകയും  നിശ്ചിത തീയതിക്ക്  മുൻപായി  കാേളജിൽ  പ്രൊഫോമ  സമർപ്പിക്കുകയോ  ഇ-മെയിൽ അയക്കുകയോ ചെയ്യുന്നവർ  മാത്രമേ സ്പോർട്സ് ക്വാട്ട  റാങ്ക് ലിസ്റ്റിൽ ഉൾപ്പെടുകയും  പ്രവേശനത്തിന്  അർഹത  നേടുകയും  ചെയ്യുകയുള്ളൂ.