നവംബർ 5 ന് മൂന്നാമത് ആയുർവേദ ദിനമായി ഇന്ത്യ ഒട്ടാകെ ആഘോഷിക്കുകയാണ്. "പൊതുജനാരോഗ്യവും ആയുര്‍വേദവും " (“Ayurveda for Public health”) എന്നതാണ് ഈ വർഷത്തെ ആയുര്‍വേദ ദിനാചരണത്തിന്റെ മുഖ്യപ്രമേയം.
കേന്ദ്ര ആയുഷ് മന്ത്രാലയത്തിന് കീഴിലുള്ള ചെറുതുരുത്തി ദേശീയ പഞ്ചകർമ ഗവേഷണ കേന്ദ്രം ഇത്തവണ ആയുർവേദ ദിനം ആഘോഷിക്കുന്നത് തികച്ചും വ്യത്യസ്തമായാണ്. ആരോഗ്യ ബോധവൽക്കരണ ക്ലാസ്സുകൾ, ഔഷധ സസ്യ പ്രദർശനം, സെമിനാറുകൾ, മെഡിക്കൽ ക്യാമ്പുകൾ തുടങ്ങിയ പരിപാടികൾക്കൊപ്പം തന്നെ ഒരു ആയുർവേദ സംഗീത ആൽബം പുറത്തിറക്കിയിരിക്കുകയാണ്. ആയുർധ്വനി എന്ന് പേരിട്ടിരിക്കുന്ന ഈ ആൽബം നവംബർ 2 ന് കേരളം കലാമണ്ഡലം വൈസ് ചാൻസലർ ശ്രീ. ഡോ. T. K. നാരായണൻ പ്രകാശനം ചെയ്തു. ആയുർവേദം പ്രമേയമാക്കി അവതരിപ്പിക്കുന്ന പ്രഥമ സംഗീത ആൽബം എന്നതാണ് ആയുർധ്വനിയുടെ പ്രത്യേകത. കേരളീയ ആയുർവേദവും കലയും ഈ ആൽബത്തിൽ മനോഹരമായി അവിഷ്കരിച്ചിട്ടുണ്ട്. ശ്രീ. ജോയ് ചെറുവത്തൂർ സംഗീത സംവിധാനവും ഡോ. ആകാശ് ലാൽ രചനയും നിർവഹിച്ച ഈ ഗാനം ആലപിച്ചിരിക്കുന്നത് പ്രശസ്ത ഗായകൻ ശ്രീ. പ്രദീപ് സോമസുന്ദരൻ ആണ്. ശ്രീമതി കലാമണ്ഡലം രചിത രവി സംവിധാനം നിർവഹിച്ച നൃത്തങ്ങൾ അവതരിപ്പിക്കുന്നത് കലാമണ്ഡലം വിദ്യാർത് തികൾ തന്നെ ആണ്. കലാമണ്ഡലത്തിന്റെയും നിളയുടെയും പശ്ചാത്തലത്തിൽ ആണ് ചിത്രീകരണം നിർവഹിച്ചിരിക്കുന്നത്.
No comments:
Post a Comment