നിയമം ഉണ്ടായതുകൊണ്ടോ, കോടതിയും നീതിന്യായ സംവിധാനങ്ങളും ഉള്ളതുകൊണ്ടോ കാര്യമില്ല. നിയമങ്ങളെ കുറിച്ച് സാധാരണക്കരില്‍ സാധാരണക്കാര്‍ക്ക് അറിവുണ്ടാകണം.സ്വന്തം കടമകളെയും കര്‍ത്തവ്യങ്ങലേയും കുറിച്ച് എന്ന പോലെ നിയമാവകാശങ്ങളെയും നിയമ സംരക്ഷണങ്ങളേയും കുറിച്ച് നല്ല ധാരണയുണ്ടാകണം.ഇതിനാണ് നിയമ സാക്ഷരത എന്നു പറയുന്നത്. നവംബര്‍ 9 ന് രാജ്യം ദേശീയ നിയമ സാക്ഷരതാ ദിനമായി ആചരിക്കുന്നു.പാവപ്പെട്ട അവശ പൗരന്മാര്‍ക്ക് നിയമ ബോധവല്‍ക്കരണത്തിലൂടെ ശക്തി പകരാനുള്ള പ്രതിബദ്ധതയാണ് ദേശീയ നിയമസാക്ഷരതയിലൂടെ ലക്ഷ്യമാക്കുന്നത്.നീതി ലഭ്യമാക്കാന്‍ നാഷണല്‍ ലീഗല്‍ സര്‍വീസസ് അതോറിറ്റിയും സംസ്ഥാനങ്ങളിലെയും കേന്ദ്ര ഭരണ പ്രദേശങ്ങളിലെയും ലീഗല്‍ സര്‍വീസസ് അതോറിറ്റികളും കൈകോര്‍ത്ത് പ്രവര്‍ത്തിക്കുന്നുണ്ട്.സാധാരണക്കാരുടെ ആവശ്യങ്ങള്‍ക്കായി നിയമസേവന സമിതികള്‍ സുപ്രീം കോടതിയിലും ഹൈക്കോടതികളിലും രൂപവല്‍ക്കരിച്ചിട്ടുണ്ട്. ഇത് കൂടാതെ ജില്ലാ, താലൂക്ക് തലങ്ങളില്‍ സൗജന്യ നിയമസേവനങ്ങളും ലഭ്യമാക്കിയിട്ടുണ്ട്.
No comments:
Post a Comment